امبارح الواحد كان مخنوق ,
لأن الواحد أصلا قذر و معفن و مش بيحس بنفسه ,
ربنا ياخدني و أخلص - بس للجنة إن شاء الله - ,
المهم كان في إيدي سكينة ,
و أنا من عادتي إني لما بقى مخنوق قوي إني بعور إيدي ,
لكن بموس علشان بيعور بسرعة :
.jpg)
لكن المرة دي كانت سكينة ,
و عمال أعمل بيها , و أمشيها على إيدي على إنها تعور ... مش راضية ,
كان السنصل بتاعها بارد على الآخر ,
المهم أنا كان لازم أعور نفسي ,
فقعدت " أغز " نفسي بالسن بتاعها لحد ما شوية دم ظهروا ,
و مع إني ما استريتش قوي ,
و ناوي أعملها بالموس النهاردة لأن الواحد بيحس براحة بعد الـbleeding ده ,
بس الواحد افتكر اجة مهمة جدا ,
حديث الرسول صلى الله عليه و سلم للواحد لما ييجي يذبح إنه قال : "و ليحد أحدكم شفرته و ليرح ذبيحته" ,
و في حديث تاني بس مش فاكره قوي إنه قال له فيما معناه : أتريد أن تقتلها مرتين ؟؟
فعلا , الشفرة الباردة دي عذاب آخر غير عذاب القتل نفسه ..
و اسأل مجرب !!
al salam alaykom - though there is no one here :) -
well , today - i mean this post cuz i blog more than one post per day - i wanna blog in English ,
i don't know " exactly " why ,
but i've read some other post just few minuets ago ,
and i've remembered myself when i started blogging ,
it was about 2 years ago,
on yahoo 360 ,
when i was bogging in English , cuz that community was english one ,
and cuz i was ..... we can say : AFRAID of using my native language and to pronounce some specific words in Arabic ,
so i chosen to blog in English that time ,
well, i know that my english language is not so good ,
but sometimes you really get afraid of facing your mind with your thoughts in arabic - language that he know -
well, i got nothing to say ,
and i got pissed of some silly person who is trying to call me and i'm ignoring him ,
ending with some " precious " wisdom , that i cannot neither say nor translate in into Arabic :
LIFE'S A BITCH
.......................
طبعا الرياضة و ممارستها بتحسن الحالة النفسية ,
يعني الواحد لا يبقى مخنوق مثلا ,
و يلعب رياضة ,
يطلع يجري مثلا أو يلعب ضغط و بطن و عقلة أو ...
بيلاقي حالته النفسية اتحسنت ,
و حالة الخنقة بتقل ,
إنما المشكلة الحقيقية تكمن في إنك لما تكون مخنوق ,
بتبقى مش عاوز تلعب رياضة أصلا و لا تعمل حاجة خالص ,
المشكلة بتبقى في حاجز بتبنيه الخنقة بينك و بين الرياضة و بين أي حاجة تطلعك من الخنقة دي ,
لو الحاجز ده اتكسر ,
هتلارقي حالة الخنقة انتهت .. إن شاء الله يعني ,
بس هو احنا بس نعرف نكسر الحاجز ده ,
بس خلاص علشان أنا مخنوق دلوقتي ,
و رايح أكسر الحاجز و أجري شويتين ,
سلام
النهاردة الواحد الحمد لله كان صايم ,
و كنت قاعد في الغرفة لوحدي و ماسك زجاجة الماء في يدي ,
و عمال أحدفها من إيدي دي , لإيدي دي ,
و بعدين فكرت مع نفسي ...
هو أنا ليه مش بشرب ؟؟
طبعا علشان ربنا شايفني ,
طيب ما ربنا شايفني في كل حاجة ,
اشمعنى الأكل و الشرب في الصيام بس اللي الواحد بيكون عنده مراقبة فيهم ؟؟
يعني مثلا الواحد لما مش بيغض بصره , او لما بيسمع أغاني أو .....
ما هو ربنا بيكون شايفنا برضه ,
و احنا بنكون عارفين كده ,
اشمعنا في الصيام بالذات اللي الواحد بيراعي ربنا قوي , و في حكاية الأكل و الشرب دي كمان ؟؟
قعدت أفكر و ..
.
.
.
.
.
.
.
لم أجد إجابة !!
ربنا يهدينا و يهدي الجميع ,
.....
طبعا هم مش بيجروا ورايا علشان يخلوني معيد ,
و لا أنا طالع الأول و لا التاني علشان أبقى معيد ,
أنا يا دوب طالع السابع بالعافية ,
أمال فيه إيه ؟؟
امبارح والدلقيته فجاة بيناي عليا ,
و بيقول لي هو الأول عليكم اتعين معيد و لا لسه ؟؟
طبعا حاجة غريبة إنه يناديلي فجأة كده ,
و إنه يسألني عن زميلي ده ؟؟
و بعدين هو ماله يعني ؟؟ لا هو شافه و لا يعرفه ؟؟
المهم قلت له : أيوة !!
قال لي : طيب !!
بس !!!!
طبعا ما استغربتش ,
و افتكرت إن الوالد كان عاوزني أطلع معيد في الكلية ,
أصلي كنت داخل الكلية " حامي " و عمال أجيب تقدير من أول سنة ,
على عكس إخواتي التانيين و بقيت الناس اللي كانوا بيبقوا مش قد كده في أول سنة ,
المهم أنا نفسي كنت عاوز أبقى معيد في أول سنة دخلتها ,
و أنا في اعدادي - أول سنة - طلعت من الـ10 الأوائل على الكلية كلها - مش قسم ميكانيكا بس - ,
و كنت جايب جيد جدا , و كان الأول بس هو اللي جايب امتياز ,
فروحت البيت و أنا هطير من الفرح ..
طالع من الـ10 الأوائل , و في كلية هندسة بحالة !!
و دي كانت بداية النهاية ....
لما قلت لهم أن اجايب ج ج , لقته بيسألني : حد جايب " ممتاز " - مش امتياز - ,
اتقفلت طبعا و قلت له : آه , واحد بس ,
بصراحة اتخنقت من الرد ,
و العبارة دي جابت لي إحباط لحد دلوقتي كل ما افتكرها ,
و كرهت الزفت الكلية باللي فيها ,
على اللي بيجيبوا تقدير على اللي عاوزين يبقوا معيدين على ....
و رغم إننا لما دخلنا ميكانيكا تاني سنة كنت تاني أعلى تقدير في القسم ,
إلا إني كنت خلاص .. اتخنقت من الدراسة و من حياتي كلها ,
مش بسبب الكلمة اللي فاتت دي بس ,
لكن بسبب حاجات تانية جدت في حياتي ,
حاجات داخلية بوظتني خالص و خلتني يائس و محبط و مكتئب ,
و حاجات خارجية زي مرض جدتي اللي ما أنساش لما كنا رايحين امستشفى قبل الامتحانات بيومين تقريبا ,
ثم مرض والدي بعدها ,
و حاجات كتيرة خليتني أتخنق من كل حاجة ,
أنا مش ببرر لنفسي حاجة ,
أنا فعلا مستوايا نزل ,
لكن أنا كرهت الكلية و العيشة بحالها ,
و ما كنتش بذاكر قد كده ,
ما كنتش بذاكر full load يعني :)
المهم ,
آديني خلصت ,
و ما اتعينتش معيد و الحمد لله ,
و مش " هعبر " حلم حد تاني ,
اللي عاوز يطلع معيد يبقى يطلع هو معيد ,
إنما أنا مش عاوز ,
أنا مش ملزوم أحقق حلم حد تاني ,,,
بس خلاص علشان أنا اتخنقت
.......
امبارح كنت فاتح كتاب الثرمو (thermo-dynamics) بتاع أولى ميكانيكا ,
أصل العبد لله , مهندس الميكانيكا ( قوى ) , اللي طالع ( السابع ) على القسم ,
بجلالة قدرة ... مش فاكر قوانين الديناميكا الحرارية !!!
و الله حاجة تكسف :(
المهم فتحت الكتاب و راجعت عليه ,
لكن اللي شد نظري في الكتاب هو كمية الشخابيط - doodling - اللي مالية الكتاب ,
لا , و كلها - معظمها يعني - شتيمة بالعربي و الانجليزي ,
و كلها شتيمة في ( جنابي ) !!
لفت انتباهي بيت شعر كنت كاتبة بيقول - على نحو مما أذكر - :
إني امرؤٌ وغدٌ حقيرٌ سافلٌ *** كلبٌ عبيطٌ ظاهرُ الأعفانِ
يااااه , ده انا كنت موهوب منذ ( نعومة أظفاري ) ,
لا , و معقد من زمان ... أصيل يعني ,
الجدير بالذكر إني كنت بشتم نفسي في معظم الكتب ,
و تقريبا كل الكتب كنت بسلفها - اُقرِضها - لواحد اصغر مني و بيرجعها لي تاني !!
يعني زمانه كان بيقرأ كل الكلام ده و يقول : " ده عبيط ده و لا إيه ؟؟ "
بس خلاص ..
. . . . آه استنى لما أفتكر قوانين الديناميكا الحرارية أحسن أنساها تاني :
القانون صفر :
لو عندنا نظامين متزنين حراريا مع نظام تالت , يبقوا أكيد متزنين حراريا مع بعض , أكيد يعني :)
القانون الأول :
أي تغير في طاقة النظام بيساوي بالظبط كمية الحرارة الداخلة أو الخارجة من النظام ,
القانون الثاني :
مافيش آلة كفاءتها 100%
أو
ما ينفعش نحصل على شغل موجب من غير ما يحصل تبادل حراري بين اتنين reservoir من صاحب الحرارة الأكبر لصاحب الحرارة الأقل
أو
ما ينفعش ننقل حرارة بين اتنين reservoir من الأعلى حرارة للأقل حرارة بدون ما نبذل شغل ,
تمام كده ,
لسه فاكر :)
برضه مخنوق و زهقان ,
جيت أنزل موضوع في المدونة التانية ,
و حذفته تاني ,
افتكرت إن الناس هتعلق , و أنا لازم أرد و ... حاجة رخمة بصراحة
بصراحة انا مش عارف إيه اللي يخنق في كده ,
بس شكل الواحد اتعود على إنه يبقى مخنوق ,
ربنا يسهل بقى
الواحد مستني يوم الجمعة الجاي علشان يتأكد إن كان سليم و لا ملبوس و لا إيه الحكاية بالظبط ,
بصراحة الواحد عاوز يقضي الشهر اللي جاي ده بأي طريقة
بالطول و العرض لحد ما أدخل الجيش و أخلص بقى ,
الواحد حاسس إن الجيش هيبقى رحمة عن القعدة دي ,,
بفكرني بأهل النار في يوم القيامة ,
من هول الموقف بيتمنوا أن يُصرفوا و لو حتى غلى النار ..
ربنا يعافينا ,
بس خلاص علشان اتخنقت ..
امبارح جالي الكابوس إياه بعد ما كان انقطع لفترة ,
نفس " الشيء " الذي يجثم عليّ ,
و بتخيله زي الصورة دي :
و أشعر أنني أرى نفسي و أنا نايم ,
يعني ببقى حاسس إني صاحي و شايف اللي حواليا ,
و شايف الشباك و السرير و كل حاجة , بس مش قادر أتكلم و لا أزعق ,
و البتاع ده قاعد فوقي و بيحرك صوابعي و إيدي و أنا مش عارف أقاومه ,
و بيضغط على جنبي أو بطني بشدة ,
بس الحمد لله , الواحد قعد يستعيذ بالله من الشيطان في الحلم ,
و يقرأ قرآن لحد ما عرفت أصحى ,
مش عارف هو ده عفريت بجد و لا إيه ؟
واحد قبل كده قال لي إنه عفريت بجد ,
لأن الحلم بيتكرر كتير , و نفس الشيء هو اللي بيجثم عليّ كل مرة ,
ربنا يسهل و يشفيني لو كان ده عفريت بجد ,
.
.
.
.
كنت قرأت مقولة من فترة بتقول - حسب ما أنا فاكر - :
" إن صبرتم أَجرتم وأمر الله نافذ وإن ضجرتم كفرتم وأمر الله نافذ "
الواحد امبارح لما قعد يفكر في الأفكار اللي بتجيلة و الضيق اللي في نفسي
و وسواس الانتحار اللي بيزن على راسي ده ,
قلت ما هو ممكن يكون ابتلاء ,
يعني هو الابتلاء في الفلوس و المرض و خلاص ؟؟
ما هو ممكن فعلا يكون ابتلاء ,
ربنا يعيننا و نصبر عليه ,
و نؤجر عليه إن شاء الله ,
و الواحد بصراحة لما حدد معاد للنتحار هو يوم 2 إبريل ,
لقى إن الفكرة لم تعد تأتيني !!
مش عارف ليه ؟؟
طيب ما هو لو كده , يبقى الواحد يعطي معاد للنتحار ,
و لما ييجي ربنا يسهل و نعطي ميعاد آخر غيره ,
و نقضيها تأجيل في تأجيل ,
و هنستفيد من إن في الفترة حتى موعد الانتحار , مش هيجيلي وسواس الانتحار ده ,
ربنا يهيأ اللي فيه الخير ,
.
.
.
آخر حاجة عاوز أتكلم عليها هي الخطب و الدروس الإسلامية !!
مش عارف ليه خايف أسمع دروس أو خطب ,
حاسس إنها إما مش هتأثر فيا ,
أو هتغيرني , ثم هرجع تاني ,
و يمكن ده اللي مخوفني أكثر ,
أني مقتنع إني خلاص مش هتغير ,
و لو اتغيرت هيبقى تغير وقتي سرعان ما سيزول ,
يعني كأني بعرض نفسي لـfatigue stress !!
برضه حاجة خانقاني و مش لاقي لها علاج ,
بس خلاص ,
خلصت مذكراتي لليوم السابق ,
النهاردة المفروض كان يوم سماع نتيجة تحريات المخابرات الحربية ,
علشان قال إيه ؟؟ بيعملوا عننا تحريات ,
و اللي هيلاقوه مش مظبوط مش هيدخلوه ,
و كالعادة ,
بمبة !!
رحنا و بكل " صفاقة " قالوا لنا تعالوا يوم السبت ,
و اللي يغيظ إنهم لا بيعملوا تحريات و لا دياولوا ,
و لو عملوا تحريات فأنا أول واحد - أو تاني واحد :) - هيطلع
المهم ,
ربنا يقدم اللي فيه الخير ,
و نخلص بقى لأني اتخنقت من كتر القعدة ,
و أنا اصلا ... مخلوق مخنوق :)
آه بجد , مش عارف أنا مخنوق ليه
حتى النت اتخنقت منه ,
و بقيت أنزل مواضيع و مش حابب أتابعها و لا أرد على التعليقات فيها ,
حاسس إني مجبر على الرد رغم إني مش مجبر و لا حاجة ,
أو يمكن مجبر أدبيا بس ,
المهم ,
أسيبكم .. أو أسيب نفسي لأن ما فيش حد هنا ,
لأني مخنووووووق
....
خطوة ..
2:54 م
| Author:
Abd-Allah ibn Aadam
بسم الله الرحمن الرحيم ,
النهاردة إن شاء الله أنا قررت إني آخذ خطوة جدية للتخلص مما أنا فيه ,
لأن فكرة الانتحار و التخلص من الحياة دي تملأ عليّ رأسي ,
لقيتني عمال أفكر آخذ منوم مرة تانية , بس المرة دي عاوز العملية تبقى تراجيدي ,
هاخد منوم بجد , و مش هغلط زي المرة اللي فاتت و آخذ مهديء ,
و هاخدة يوم حفلة التخرج ,
علشان يبقى حدث تراجيدي !!
و مش عارف أشيل الفكرة من دماغي ,
لكن لقيتني بكلم واحد زميلي من أيام الكلية ,
كان قال لي قبل كده إن واحد من عيلتهم اتعالج من المس ,
فربنا يسهل و يرد عليا و ييجي معايا في يوم يكون فاضي فيه ,
و على الله أنا لا أخلف بوعدي معاه و ما أرجعش في رأيي في آخر لحظة
الجدير بالذكر إني مخبي عن العائلة الكريمة أي حاجة ,
و لما خلصت المكالمة معاه لقيت أخويا في الغرفة المجاورة .. و شكله سمع كل حاجة ,
إياكش تولع !!
آديني اديت لنفسي فرصه من النهاردة ليوم 2-4 ,
لو ما اتظبطتش .. يبقى مع السلامة !!
الواحد مخنوق بجد ,
لا بيحب الحياة ,
و لا عاوز يموت ,
و مافيش حل وسط !!
...
.jpg)
