امبارح كنت فاتح كتاب الثرمو (thermo-dynamics) بتاع أولى ميكانيكا ,
أصل العبد لله , مهندس الميكانيكا ( قوى ) , اللي طالع ( السابع ) على القسم ,
بجلالة قدرة ... مش فاكر قوانين الديناميكا الحرارية !!!
و الله حاجة تكسف :(
المهم فتحت الكتاب و راجعت عليه ,
لكن اللي شد نظري في الكتاب هو كمية الشخابيط - doodling - اللي مالية الكتاب ,
لا , و كلها - معظمها يعني - شتيمة بالعربي و الانجليزي ,
و كلها شتيمة في ( جنابي ) !!
لفت انتباهي بيت شعر كنت كاتبة بيقول - على نحو مما أذكر - :
إني امرؤٌ وغدٌ حقيرٌ سافلٌ *** كلبٌ عبيطٌ ظاهرُ الأعفانِ
يااااه , ده انا كنت موهوب منذ ( نعومة أظفاري ) ,
لا , و معقد من زمان ... أصيل يعني ,
الجدير بالذكر إني كنت بشتم نفسي في معظم الكتب ,
و تقريبا كل الكتب كنت بسلفها - اُقرِضها - لواحد اصغر مني و بيرجعها لي تاني !!
يعني زمانه كان بيقرأ كل الكلام ده و يقول : " ده عبيط ده و لا إيه ؟؟ "
بس خلاص ..
. . . . آه استنى لما أفتكر قوانين الديناميكا الحرارية أحسن أنساها تاني :
القانون صفر :
لو عندنا نظامين متزنين حراريا مع نظام تالت , يبقوا أكيد متزنين حراريا مع بعض , أكيد يعني :)
القانون الأول :
أي تغير في طاقة النظام بيساوي بالظبط كمية الحرارة الداخلة أو الخارجة من النظام ,
القانون الثاني :
مافيش آلة كفاءتها 100%
أو
ما ينفعش نحصل على شغل موجب من غير ما يحصل تبادل حراري بين اتنين reservoir من صاحب الحرارة الأكبر لصاحب الحرارة الأقل
أو
ما ينفعش ننقل حرارة بين اتنين reservoir من الأعلى حرارة للأقل حرارة بدون ما نبذل شغل ,
تمام كده ,
لسه فاكر :)
3 التعليقات:
اى ياباش مهندس بس النسيان وضع طبيعى جدا وانك تلاقى كتابه بغض النظر عن كنهها حلو كنهها ياعنى مضمونها ده شئ كويس ياعنى انك كنت بتذاكر وواد دحييح بفتح الدال ياريت نشوف النص المليان من الكوبيه ولا ايه
انا ايضا اكتب خربشات كثيرة اثناء قراءتي لكتاب ما و اذكر انني كتبت مرة
انا عن جد هبلة في حدا بعمل هيك
و الذي قرا الكتاب بعدي لم يخفي فضوله و سالني شو عملتي المشكلة اني ما اتذكرت لهيك قررت انو ما اسلف اي كتاب لاي حدا الا بعد التاكد من الهوامش اللي كنت ادونها
تحية لك - مدونة جميلة
ماء تشرين ,
jafra
شكرا جزيلا لكما على المرور و التعليق ,
و شكرا جيلا على المساندة ,
تحيتي