هو فيه إيه ؟؟
مش عارف بصراحة ,
العملية لسه " مزغللة " , بس الحمد لله اتحسنت ,
لكنها تجربة... غبية جدا جدا ,
يوم الخميس بعد العصر كده حاجة تافهة جدا خلتني أتغاظ جدا ,
و طالما هناك غضب , هناك شيطان ,
لقيت نفسي بفتح الدرج , و بشوف دواء إيه اللي باخده ,
لقيت شريط كوجينتول ده كامل ,
قلت أما آخد 5 حباتت زي المرة اللي فاتت , علشان أهرب من الواقع ,
و أشوف المنوم هيعمل فيا إيه و أنا صاحي ,
و لو هيموتني أشوف أنا هموت إزاي ؟؟
طلعت خمس حبات ,
بعدين قلت أخليهم 6
بعدين قلت خليهم 7 زي ترتيبي على القسم ,
و لقيت 3 فاضلين في الشريط ... قلت أكمل جميلي و أبقى اخدت شريط بحاله ,
و خرجت أنا و الوالدة في مشوار ,
و أنا عمال مستني أشوف هموت إزاي !!
و لقيت نفسي بوصي والدتي على " القرشينات " اللي محوشها و قلت لها ابقوا طلعيهم صدقة جارية لما أموت ,
كنت بتكلم أكني بهزر طبعا ,
الوقت عمال يفوت و مافيش حاجة بتحصل , غير إني حاسس إني سخنت قوي
رحنا المشوار و رجعت على المغرب ,
حاسس إن راسي مش مظبوطة , و إني مش مركز في الكلام ,
عمال أضحك و أنا بتكلم مع أختي , و مش عارف أنا بضحك ليه ,,
و مش مفسر كلامها قد كده و مش متزن على الآخر ,
و شكلي أكني شارب حاجة ,
مش عارف أركز و عمال أضحك هيستيريا
المهم قلت لهم دماغي بنتوجعني و هنزل أنام ,
رحت في النوم أول ما اتحطيت على السرير ,
و طبعا قعدت أقول دعاء سيد الاستغفار علشان ما أكونش ساخط و أنا بموت و أكون خاتم حياتي بخير ,
حطيت راسي على المخدة ...
و ربنا يسهل ,
.
.
.
.
.
و لقيت نفسي برضه صاحي على آذان الفجر ... لسه عايش ,
لكن لقيت نفسي " تقيل " قوي ,
و مش عارف أحرك نفسي بسهولة ,
حاسس إن جاذبية الأرض زادت قوي ,
و حاسس إن عيني مزغللة لدرجة إني مش عارف أقرأ من المصحف أو أشوف في الموبايل
و دماغي مش متظبط و مش عارف أفتكر هو فيه إيه و لا إيه اللي حصل ,
بس لسة حي !! ,
عدى يوم الجمعة كله , بس لسه الأعراض موجودة ,
لسه مش عارف أقرأ من المصحف و لا أبص في الموبايل ,
و خرجت مع زمايلي بعد الصلاة ساكت و مش بتكلم حتى واحد منهم كان بيقول لي انت زعلان مننا و لا إيه ؟؟
و يوم السبت الحمد لله الزغللة قلت ,
و الدماغ اتظبط شوية , و جسمي بقى خفيف زي الأول الحمد لله ,
و النهادرة الحمد لله بقيت أفضل و أفضل
المشكلة هي إني مش عارف أعمل إيه ؟؟
يعني قبل ما أروح للدكتور كنت خطر على نفسي ,
و بعد ما رحت له لقيت الدواء خطر عليا لأني بستهبل و باخده بكميات كبيرة
يعني لو ما أخدتش الدواء خطر ,
و لو أخدته هاخده باستهبال و هيبقى خطر برضه
أنا أعترف إني كنت غبي و حمار كمان و مش عارف أنا عملت كده ليه ؟؟
يعني لا قدر الله لو كانت الأعراض دي دامت كنت بدل ما كنت عايش سليم
كنت هبقى عايش بعاهة !!
و حتى الحمد لله لما لقيت نفسي عايش بعدها قلت طيب لو كنت مت كنت استريحت من إيه ؟؟
ما هو مافيش حاجة تعباني أصلا !!
مش عارف ده أسميه إيه ؟
غباء و شيطان
بس الحمد لله على كل حال ,
ربنا يحينا ما كانت الحياة خيرا لنا ,
و يمتنا ما كانت الوفاة خيرا لنا ,
مش عارف أنا برضه بكتب الموضوع ده ليه ؟؟
مجرد " أرشفة " لأحداث حياتي اللي مش عارف هو إيه اللي بيحصل فيها !!!
...
, 
,
جرعة زائدة من بعض المهدئات و المنومات 
,,,
, 
؟؟
, لآنه احتمال يبقى آخر نومة لي ,
و ما صحتش غير على أذان الفجر , 
, 
!!
أهه , 
,
!!