البارح الواحد كان مخنوق حبتين بالليل
, و طقت في دماغي فكرة كده ,,, و قلت لازم أجربها و أشوف
,الفكرة بقى كانت عبارة عن ( بلبعة )
جرعة زائدة من بعض المهدئات و المنومات اللي كتها لي الدكتور النفسي اللي رحت له من حوالي أسبوع , و ما جابتش نتيجة !!
و قد كان
,,,بدل ما آخذ حباية و نصف ,
أخذت 5 حبايات مرة واحدة
, و قلت أجرب و أشوف هموت و لا لأ
؟؟المهم بلعتهم و قلت ربنا يقدم اللي يه الخير بقى ,
و رحت داخل على السرير ...
و طبعا قرأت أذكار النوم
, لآنه احتمال يبقى آخر نومة لي ,و قعدت أستغفر بقى و أشغل الموبايل جنبي قرآن
, علشان أعمل حسابي علشان احتمال ما أصحاش تاني ,
و كمان كتبت رسالة صغيرة
علشان لو مت و لا حاجة يبقى يتصرفوا في الميراث إزاي
و قعدت منتظر في السرير أشوف هو إيه اللي هيحصل !!!
قعدت مستني مافيش حاجة حصلت ,,,
شكلي رحت في النوم
و ما صحتش غير على أذان الفجر , لقيت نفسي لسه عايش
, لكن مدروخ حبتين
!!قلت الحمد لله على كل حال ,
و رجعت للدنيا تاني ,
و آديني ( زي القرد )
أهه , بس كانت تجربة جديدة ,,
الواحد حس بقدر كبير من الإثارة
,و أنا بصراحة ما كنتش عاوز أموت يعني و لا حاجة ,
أنا بس كنت بجرب و أشوف نفسي هستحمل قد إيه
من المهدئات و المنومات دي
يعني ... كنت بجرب بس
!! ........
22 التعليقات:
السلام عليكم
ياباشمهندس حاول تبطل التجارب دي الله يرضى عليك,
مش كل مرة تسلم الجرة,انا عارفه ان ممكن يكون مش بايدك بس لما يجيلك الاحساس ده حاول تلاقي حد وقتها قريب من نفسك اتكلم معاه واشغل وقتك في حاجة بتحبها,
ولو مش لاقي حد ربنا سبحانه وتعالى جنبك ومعاك في كل وقت وهو بايده وحده يزيح عنك التفكير ده,وهترتاح اوي لما تناجيه وتشتكيله,اسال مجرب,
وربنا يحفظك ويعافيك من كل سوء.
يخرب عقلك......لو عندكو سم فئران ارميه احسن تعمل بيه تجربه تانيه..وابعد عن انابيب البوتاجاز...ولو مخنوق ياعم قوم صلى
بلاش يا عم التجارب المهببه دى
الحياه مش تجارب
وكل حاجه خانقاك دلوقت ممكن تتعدل وتكون هى مصدر سعادتك
استعن بالله بس ومتقلقش
سلمى محمد ,
و عليكم السلام و رحمة الله ,
و إن شاء الله الواحد يقدر يتحكم في الإحساس ده لما ييجي ,
لكن لوحدي من غير أصدقاء و لا حد قريب
و إن شاء الله ربنا يهيأ الخير ,
و ييسر لنا طاعته ..
جزاكِ الله خيرا
كلام فاضي ,
ما تقلقش يا دوك , هو مخروب لوحده :)
و بمناسبة سم الفيران ده ,
مرة الشيطان وزني و كنت هاخذ حبة , بس قلت بلاش أحسن بطني توجعني :)
و للأسف العلاج زي ما انت قلت في الصلاة ,
بس الشيطان ساعتها بيبقى قايم بواجبة !!
د/عرفة ,
على فكرة أنا كنت قرأت مقولة لواحد من بتوع التنمية البشرية بيقول : الحياة تجربة مثيرة , أو لا شيء !!
و لو إنها المفروض تبقى تجربة ليها فايدة , مش على الفاضي زي حالاتي ,
المهم , ربنا يسهل إن شاء الله و تكون الحاجات - اللي أنا مش عارفها - و خانقاني دلوقتي , تبقى سبب في سعادتي بعد كده !!
مين عارف ,
نورتنا يا دوك :)
لا تجربة مثيرة فعلا
وحمد لله ع السلامة ومبروك عمرك الجديد :)
ياتري ناوي تجرب إيه تاني؟؟
بصراحة أعجبتني مدونتك وخصوصا أنك من كتاب القصيدة البيتية وهو نادر في هذه الايام
زيارتي الأولي وليست الاخيرة أكيد إن شاء الله
تقبل تحياتي
السلام عليكم ورحمة الله تعالى وبركاته
ياباشمهندس بالله عليك كفاية والله كفاية كفاية
تجارب .زى دكتورة سلمى ما قالت مش كل مرة تسلم
الجرةوياريتك ياأخى حترتاح الا حتروح للمجهول ..
عارف ياعنى ايه المجهول ؟وايه مرواحة مفيش منها رجوع يعنى ون واى ياصاحبى .ربنا يرضى عليك اجمد كده ولما الافكار(الغير جميلة)دى تجيلك قوم اعمل حاجة بمعنى كلمة اى حاجة أو حتى انزل اقف تحت البيت مع الناس صدقنى لو عايز حتخف والدوا
حيجيب نتيجة بأذن الله ولو مش عايز طيب نعمل ايه؟كفاية علىّ محمد الفارس :(خبطتين ما استحملهم
يااااااااااااه
كل ده عشان هتدخل الجيش :)
لا يارجل مش للدرجه دي
بس بجد يا هندزة بلاش تعملها تاني و أسمع الكلام بقي
هو الواحد بيعيش كام مرة يعني عشان نعمل تجارب
القلم السكندري ,
الله يسلمك و يبارك فيك :)
و شكرا جزيلا على المرور و الزيارة ,
و إن شاء الله ما تبقاش الزيارة الأخيرة زي ما قلت :)
تحيتي
دكتورة نور ,
و عليكم السلام و رحمة الله و بركاته ,
ياااااه يا دكتورة , على طول حظك معايا بييجي في الحاجات دي :(
مش عارف أقولك إيه يا دكتورة ,
الدكتور نفسه اللي رحت لك قال لي نفس كلامك ,
و قال لازم أنا الأول أكون عاوز علشان الدواء يجيب نتيجة ,
و آديني بحاول ... على استحياء !!
و إن شاء الله مش هموت بالطريقة دي !!
حقودي
لسه مش لاقي لك اسم ,
بس مش مشكلة :) ,
يابني - أو ياسيدي لو كنت أكبر مين :) - مش علشان الجيش و الله ,
الجيش بالنسبة لي عادي , لأن أصلا أنا ماعنديش أهداف أسعى ليها , فالجيش مش فارق معايا ,
_______________
ملحوظة خارج السياق :
إوعى تكون واحد عارفني بجد و عامل نفسك كده ,
أنا مش بحب أفضفض للناس اللي في الواقع ,
فياريت لو كنت عارفني في الحقيقة تقول لي أحسن العصفورة تقول لي و ساعتها مش هيحصل طيب :)
ربنا يعافيك
ويرفع عنك
وعن امة الاسلام
آآآآآآآآمين يا دكتورة نور ,
اللهم استجب ..
تقدر تكتشف ده بنفسك ؟؟؟
والله يابني منا عارف اعلق اقول ايه ؟؟
بس في فرق يا ابراهيم بين روح المغامرة واستكشاف المجهول واللي انت بتعمله دا
مش مقبول طبعا انك تجرب في حاجة متعلقة بحياتك لمجرد انك عايز تجرب ولا طأت في دماغك وخلاص ...
شوف من الاخر انا عارف ان كلامي دا كله ملوش لازمة ولا كلام أي حد من اللي علقوا لأننا مش هنقدر نأثر عليك ... بس رجااااااااء تفكر تاني ..
وزي ما بتفكر في حاجات كتير - حاجات بتفكر انت عملتها ليه وحاجات بتفكر انت مبتعملهاش ليه ,, خليك في الرتم دا ومتخرجش منه أحسن.
يلا الله المستعان وربنا يهدينا ويثبتنا جميعا ..
أنت عارف الحال من بعضه ...
سلام
السلام عليكم
ياترى ايه سر اختفاءك ياباشمهندس؟
ان شاء الله خير.
حقودي ..
ماشي .. هكتشف إن شاء الله :)
تيفا ..
شكرا على مرورك يا مصطفى ..
و مش عاوزك تقلق إن شاء الله ..
أنا طبيعي و الحمد لله ..
و متهيأ لي إن ملاحظة الحدث هي بداية لتحليله و حله إن شاء الله ..
و ربنا يهيا لنا و إياك اللي فيه الخير ..
جزاكم الله خيرا
سلمى محمد ..
و عليكم السلام ,
أعتذر كثيرا عن التأخير ,
لكني كنت مسافر من يوم الجمعة ..
و شكرا جزيلا على السؤال ..
آديني رجعت تاني علشان أصدع دماغكم :)
السلام عليكم ورحمة الله تعالى وبركاته
وحمدلله على السلامة ياباشمهندس ابراهيم
يارب تكون استريحت فى السفر ده وقضيت وقت
ممتاز وكمان تكون فكرت لنا فى كذا موضوع من
مواضيعك المتميزة وإن كان على(دوشة الدماغ )ما
تخافش :) :)احنا (دماغنا مصفحّة)والحمد لله :):):):)
دكورة نور ..
و عليكم السلام و رحمة الله و بركاته ..
الحمد لله , الواحد بيروح الاسكندرية كل شهر تقريبا بيغير جو و بيرجع
لكن المرة دي كانت مع العائلة و خالتي و عيالها و كنا " لمّة " :) ..
و الحمد لله كانت لمة حلوة ..
و خلو بالكم من دماغكم :)