مش عارف ليه شعور غريب بيجيلي لما ببص في المراية ساعات ,
بحس نفسي ببص لنفسي قوي ,
ساعات بحس إني بتعرف على شكلي ,
مش كلام فلسفة و الله لكن حقيقة ,
الواحد بيلاقي نفسه " بيبحلق " في نفسه ,
أبص لعيني و لشعري و حواجبي
أبص للهالات السوداء اللي تحت عيني من قلة النوم ,
بحس ساعات إني عاوز أشتم نفسي و عاوز ما أبصش ,
و أدور وشي بسرعة ,
و ساعات - قليلة - ألاقيني عاوز أبتسم لنفسي
صحيح من غير ابتسام ,
بص لنفسك في المراية من غير ما تبتسم الابتسام المعهود ,
و هتلاقيك بتبص لواحد تاني !!!
.....................
مجرد كلمات ... متفزلكة شوية برضه !!!