السلام عليكم ,
امبارح قعدت أفكر - العبارة دي أنا بكتبها كتير, صح ؟؟
-و أشوف إيه الحاجات اللي بحب أعملها في الحياة ؟؟
إيه الحاجات الـinteresting اللي بتخلي العيشة حلوة ؟
لكن لقيت نفسي زهقت من الكتابة و القراءة و النت و مافيش حاجة نفسي أعملها أو حاجة ممتعة بعملها ,
قلت ما أنا لازم بقى أبقى مخنوق ,
خصوصا إن معظم الأنشطة اللي أن امخنوق منها بس لسه بمارسها زي الكتابة و النت و ... , كلها indoors
و تقريبا الخروج محدود بالصلاة , و كل حين و فين لما ألاقي حد أطلع معاه نتمشى على الكورنيش شوية و لا حاجة ,
المهم دخلت موقع عمرو خالد و سألتهم نفس السؤال اللي سألته لنفسي ,
و كل واحد كان عنده إجابة ,
بس قالوا لي دور على حاجة كنت بتعمله ازمان و بطلتها ,
افتكرت إيه ؟؟
العجلة - بفتح العين و الجيم -
رحت طالع جايبها من فوق السطوح ,
بقى لها كام سنة مركونة ,
و أخذتها في إيدي و أنا رايح أصلي الظهر وديتها للعجلاتي ,
خلصت صلاة و رجعت له لقيته لاحم الكام خرم اللي كانوا فيها ,
و الحمد لله ما كانتش عاوزة حاجة تتغير و لا حاجة ,
و ما تتصوروش فرحتي و أنا راكبها و راجع بيها ,";})();ButtonMouseDown(this);'>
حاسس إني بجد هطير من الفرحة ,
و ما هانش عليا أروح على طول ,
قعدت ألف بيها شوية , و أفتكر نفسي و أنا رايح درس الكيمياء في الثانوي ,
حاجة آخر جمال العجلة دي , خاصة غنها تعتبر نشاط outdoors
كانت غايبة عني فين دي ؟؟
.
.
.
.
.
بالمناسبة ,
لو منك ما أعلقش ,
انت مالك واحد صلح العجلة و لا طلع فوق السطوح
؟؟أنا عن نفسي مش بحب المدونات الشخصية و المذكرات و قلما أعلق عليها
,فاعقل انت كمان و بلاش تضيع وقتك
و تعلقأصل البوست المرة دي بمثابة مذكرات لا أكثر
,و من النوع " الهايف "
,تحيتي
22 التعليقات:
انت مش بتحب تعلق في المدونات الشخصية والله انت حر,انا عن نفسي بحبها,
اما بقى بالنسبه لانك ترجع تعمل حاجه كنت بتحبها وبطلتها فدي حاجة فعلا بتفرح لانها بتغير من الروتين اليومي مع انها كانت جزء منه زمان لكن دلوقتي بقت حاجه جديدة وشوية تبقى حاجه قديمة وهتزهق منها وبقى دور على حاجة تانية وقتها,
انما بقى ركوب العجل فهو متعة بجد انا بحبها اوي
هتقول فنفسك دي حاجة بتاعت ولاد هقولك وانا صغيرة كانت العابي وافعالي كلها تقريبا صبيانيه لان اخواني الاكبر مني ولدين,
كنت بحب الجري والباتيناج والمسدس والنشان والعجل وكنت بلعب كوره مع فريق الاولاد
بس اتغيرت بالتدريج بعد لما جتلي اخت وبقيت بالضطر مكرهه على اللعب معاها بلعب البنات ومليت منها بسرعه وبطلت لعب خالص ولادي وبناتي بدري بدري,
ودلوقتي بيتريقوا عليا ويقولي انتي بنوته هادية!!
المهم دلوقتي باتمنى اركب العجل واتسابق بيه زي زمان,وبستنى اي فرصة زي لما نروح لقرايبنا في فلتهم واركب العجلة وانطلق في ممرات الحديقة.
آسفة بقى نسيت انك مش بتحب الكلام الشخصي وانا رغيت فيه كتير.
ok
enjoy it
هههههههههههههه
حبيت ارخم عليك
تصدق انا عمرى مركبت عجل ألا مره واحده فى حياتى من يجى اربع سنين وعجبنى الموضوع بس مكررتهوش
وانت بتحكى كنت هقولك العب رياضه outdoor
وبعدين لقيت اتكلمت على العجل قولت كده تمام
outdoorورياضه وهوايه قديمه كمان
انا عن نفسى بستمتع لما اجرى انا مش العجله
ههههههههههههههه
بس العجل اكيد مناسب برضه
والله فعلاًعندك حق
وأنا مالى أنا بالبسكلته بتاعتك
مكنش المفروض أعلق
بس مش عارف ليه أنا حاسس إنى عارفك ..!!
أوعى تكون اللى بالى
سلمى محمد :
لا أنا مش مش بحب أعلق في المدونات الشخصية بصفة عامة ,
يعني ده للزائر أول مرة ,
أنما بحب أعلق في مدونات الشخصيات التي أعرفها كي أعرفها أكثر ,
لكن لو داخل مدونة واحد للمرة الأولى و لقيتها شخصية ... بـ" ألفّ و أرجع تاني " :)
بالنسبة لركوب العجل فهو حاجة مميزة ,
لأنه خارج البيت و القعدة في البيت بتجيب اكتئاب أصلا ,
و كمان السرعة بالنسبة لي عندي هوس بيها , جنون السرعة ,
غير إن الهوا لما يخبط في وش الواحد يبقى ليه شعور جميل كده ,
غير إنها نشاط رياضي بيطلع الطاقة الزائدة في الجسم ,
و بالنسبة ليكي يا سلمى فنصيحة ابعدي عن لقب " هادية " ده و كل ما يتعلق بيه ,
لأنه غالبا بيقلب بإنطوائية ثم اكتئاب لا قدر الله ,
و لحد ما ييجي وقت الذهاب لقرايبكم و ركوب العجلة حاولي تلاقي أي هواية داخل المنزل تعمليها ,
المهم ابعدي عن لقب " هادية " ده , اسأليني أنا , ده لقب كئيب !!
dina:
ok , i'm gonna try to
د. عرفة :
مافيش رخامة و لا حاجة يا دكتور ,
انت اللي حسران في قراءة مالا فائدة منه :)
خليني أخمن و أقول إن المرة الوحيدة اللي ركبت فيها عجل دي كانت في رحلة , صح ؟؟ :) :)
و بالنسبة للرشاضة خارج المنزل فللأسف ان اتقريبا ما عنديش أصدقاء علشان أعرف ألعب معاهم أي نشاط خارجي ,
أنا بحب أجري جدا جدا , بس اللي كان بيجري معايا قبل كده اشتغل من سنة و بقى مشغول ,
بس العجلة إن شاء الله هتبقى " خير صديق على الطريق " :) :)
شكرا جزيلا على المرور و التعليق يا دكتور :)
د. ياسر ,
بص , أنا عارف إنك ذكي - ما شاء الله عليك يا خويا :) - و عرفتني , بس ليا سؤالين :
1- انت جيت هنا إزاي ؟؟ و عرفت المدونة دي منين ؟؟
2- إزاي خمنت إني أن االلي بالي بالك :) ؟؟ أصل حاسس إني عامل زي المخبر اللي الناس كلها عارفاه و هو مفكر نفسه متخفي :)
تحيتي لك دكتورنا الكريم :)
ياباشمهدس ابراهيم:
انك تكون شخص هادي الطباع والله حاجة جميلة,ممكن تكون هادي بس اجتماعي,عادي كلمة هادي مش معناها انطوائي,ليه بتربط بينهم؟
وبعدين ان كنت في صغرك طفل وديع احسن ما تكون طفلة متشردة زي ما كانوا بيقولولي(:
وبعدين انت اللي ابعد نفسك شوية عن كلمة انطوائي وكئيب,
ثق في نفسك اكتر من كده,والله بجد ومن غير مجاملات ما شاء الله شخصيتك مميزه,وكون انك ملكش اصدقاء كتير,اكيد لانك مش لاقي حد ملتزم وشخصيته قريبه منك,بس لو دورت اكيد هتلاقي,ووالله في شباب من اصحاب المدونات لا ازكي على الله منهم احد,
اما بقى ان الناس كلها بدات تتعرف على شخصيتك فلانها نادر تتكرر الشخصية بنفس المواصفات والعقلية,
وفعلا تقريبا الناس كلها عرفت انت مين
فالاحسن تربطلهم بين نفسك ونفسك(:
انا آسفة جدا اني تدخلت في ردودك على الآخرين,لكن مش بحب ابدا حد كويس وما يثقش في نفسه.
سلمى محمد :
احم احم , شكلي و أنا بربط بين " هاديء " و " كئيب " بينطبق علي البيت الذي يقول :
إذا ساء فعل المرء ساءت ظنونه *** و صدق ما يعتاده من توهم .
الظاهر فع علشان أنا هادي و كئيب فبفكر إن كل الناس كده ,
بس الحمد لله إني على خطأ في النقطة دي :) ,
و بالنسبة للأصدقاء فموجود زملاء كتير و الحمد لله , لكن ليسوا أصدقاء , يعني كل واحد ناقصة حاجة و يبقى صديق , بس للأسف لم تكتمل عند أحد ,
يعني مثلا اللي شخصيته قريبة مني ألاقيه ساكن في مدينة بعيدة ,
و اللي أحب أكلمة ألاقي شخصيته بعيدة ينفع ناصح و ليس صديق .... و هكذا ,
و بالنسبة للشخصيتين :) , فأنا لا أعتبر الشخصية التانية دي شخصيتي كي أربط بينها و بين إبراهيم هنا ,
الشخصية التانية أعتبرها شخصية تخيلية " شِبه مثالية " , علشان كده مش بحب أربطها بشخصيتي الحقيقية لأن شخصيتي الحقيقية مش كده !!
و لا عليكِ التعليقات عامة , و يسعدني الاهتمام و قراءة التعليقات الأخرى ,
و شكرا جزيلا على المتابعة أختي سلمى ,
السلام عليكم
صديقى العزيز
كويس إنك وجدت ضالتك فى ركوب الدراجة حتى تخرج من حالة الإكتئاب دى وبعدين شكلك كده محتاج تتزوج
واضح إنك إنسان حساس ورقيق المشاعر
تحياتى
اللؤلؤة ,
و عليكم السلام و رحمة الله و بركاته يا عمرواً :) ,
أنا معتز جدا بكلمة " صديقي العزيز " التي ذكرتَ , أرجو أن نكون كذلك ,
بالنسبة لحساس و رقيق المشاعر فمعلش , دي مش عندي لأني مش بختلط بالناس أصلا علشان أفهم مشاعرهم و كده ,
و بالنسبة للزواج , فبعد عمرٍ طويل إن شاء الله :)
و إن كنت لا أظنه سبب الاكتئاب , لأني " كئيب من يومي " :)
تحيتي لك يا عمرو :)
اخي ابراهيم
ييه هتقولي برضه كئيب,والله انت حر بقى,
ممكن تسمع محاضرة ابراهيم الفيقي عن الثقة بالنفس,
اما بقى بالنسبة لموضوع الصداقة فما اظنش ان كون الشخص بعيد ماديا عنك ان ده يمنع انه يكون صديق,انا ليا صديقات مسافرين بره مصر خالص وبعزهم جدا,
وبعدين ماله النصح,كلمة النصح لازم تكون ملازمة لصديق,لان اللي بينصحك يعني عاوز مصلحتك,ولو انا فيا عيب او حاجه تضرني وصديقتي ما نصحتنيش تبقى مش صديقه لانها كده مش بتحبني وتحب مصلحتي,
اني اصادق حد يعني اصدُقُه في كل حاجه في حلوه ومره وفي الاخر ده علشان مصلحته,ولو اللي قدامي معملش كده معايا ما يستحقش كلمة صديق.
بس ربنا يستر وما يكونش كل الناس بتفكيرك والا محدش هيلاقي اصحاب(:
اما بقى موضوع الربط بين ابراهيم هنا ونفسك هناك,
فطبعا انت حر,بس اللي يكتب اللي هناك ده معناه ان ده كلام مقتنع بيه وبينفذه او على الاقل بيحاول ينفذه,وهو ده المطلوب,اصل ما فيش حد ملاك,
يعني ما فيش تناقض بين انت هنا وهناك(:
انا آسفة انا حاسة اني بقيت رخمه اوي ):
سلمى محمد :
بالنسبة للثقة بالنفس فأنا و الحمد لله عندي .. و بشدة ,
يعني لما بعوز أعمل حاجة ببقى عارف إني أقدر أعملها ,
إنما المشكلة في الرغبة في عمل الشيء , و الهمة للاستمرار عليه ,
ز بالنسبة للصديق فأنا غير معترض على البعيد مكانا و لا على الناصح غير المتوافق مع ميولي ,
أنا بس بقول إن دول مش هينفع يكونوا أصدقاء لأن الصديق - من وجهة نظري - لازم يكون قريب , لأن القريب من العين قريب من القلب زي ما بيقولوا ,
و يكون رغباته متوافقة - و لو جزئيا - مع رغباتي و ميولي ,
و لو إني لا أظن إن الواحد ممكن يلاقي حد قريب منه مكانا و أفكارا , لكن ممكن نلاقي الصفات متفرقة في أشخاص كتير - زي ما و حاصل معايا دلوقتي - بس كل واحد منهم ليس صديقا كاملا !!
يعني , العملية معقدة شوية
بالنسبة لي هنا و هناك , فمش عارف ليه ما ينفعش ,
بحس إني ببعد عن شخصيتي الحقيقية , حتى في المدونة دي حسيت إني ببعد عن حقيقتي و بقيد أعمل فيها مثالي ,
يعني - برضه :) - ,
عموما مافيش رخامة و لا حاجة , الواحد بيحاول " يظبط " :) نفسه حبة بحبة و ربنا يكرم إن شاء الله ,
مش عارف ليه يا إبراهيم
كل لما أدخل مدونتك
أحس انك بتتكلم عني :)
بس بجد حركة جميلة وكنت بفكر فيها بالفعل
بس بجنان اكتر من كده
أنا كنت بفكر اني أشتري عجلة جديدة
وأروح بيها الشغل
اللي هو من حلــــــــــــــــــــــــــوان
لحد فيصل
يعني سحله سحله
وبعد كده الحمد لله ربنا هداني
واخدت لفة بعجلة واحد صاحبي وأستريحت نفسيا من ساعتها
وشلت الافكار دي خالص من دماغي
معلش طولت انا كمان عليك
وانا لو منك
ما اردش علي الكومنت بتاعي
:)
تحياتي
هوة أنا ليه كده دوما فى آخر الركب التعليقى
تدوينة جميلة بجد ركوب العجلة ممتع أذكر اتكلمت عنه فى بوست عندى اسمه تلك خاطرة :) لو تحب حضرتك تشوفه
بس بجد التدوينة دى أعطتنى مشاعر ايجابية جزاك الله خيرا وربنا يرضيك ويرضى عنك
بالنسبة لفضولى عذرا لذلك :) لعل حضرتك سامحتنى عذرا لذلك وشكرا لسعة صدرك وربنا يسعد قلبك
حقودي :
حبيب قلبي محمد :)
أنا سعيد بجد إنك بنحس إني بتكلم عنك لأني من أول ما شفتك و من الاسم اللي اخترته حسيت إنك قريب مني برضه , و مش عارف ليه :)
الحمد لله إنك رجعت عن فكرتك بتاعة حلوان و فيصل , رغم إني لا أعرف حلوان و لا فيصل و لا أي حته في القاهرة غير من عبود لحلمية الزيتون :) ,
و على فكرة اللي بيركب عجل مش بيشيله من دماغه , بالعكس ده بيدمنه :) ,
ياااااه , رديت على التعليق بتاعك , معلش بقى , المرة الجاية " مش هعبرك " :) ,
تحيتي لك يا محمد :)
خديجة عبد الله ,
ما يهمكيش إنتي فين في الركب ,
أصله مش ركب الأمير يعني :)
ده أنا كويس إن فيه ناس بتعبرني أصلا :)
الحمد لله إن التدوينة دي أعطتك مشاعر إيجابية ,
جزانا و إياكم,
و جاري "تفحص" الموضوع المشار إليه في مدونتك ,
و بالنسبة للفضول :) فمافيش حاجة حصلت , أنا أصلا كنت باين :) و مفكر نفسي مختفي , عامل فيها " حِدِق " :) ,
لا عليكِ
ابراهيم
أرجو التواصل عبر البريد الالكتروني
وبعدين يا إبراهيم
أن مش أسمي محمد والله
وبعدين يا سيدي مشيها حقودي
وبعد كده هبقي أقول أنا مين :)
وبالنسبة لموضوع الركب اللي أنت بتقوله مش صحيح طبعاً
لان اسلوبك جذاب
و انا من ضمن المشجعين يا سيدي الفاضل
حقودي :
برضه مش محمد :)
ماشي ,,
عموما شكرا ليك ,
و ياريت تضيفني عندك لأني مش عارف ايميلك ,
جنابي : eng33eng@yahoo.com
و شكرا على التشجيع :)
تمت الأضافه
:)
هههههههههه
تصدق فكرتني بالعجلة
بس انا بتاعتي متصلحة
هروح انفخها بس :P
وأنا بقى حكايتي مع العجل طويلة جدا ,, وأنا من أصغر الناس اللي امتلكوا عجلة من سبوعي والله :D
لطبعا الامر الحتمي من حوادث العجل هههههههه
وربنا يسترها