أحيانا نرى الأشياء من زاوية واحدة ,
و نظن أننا أحطنا بها علما ,
بينما نحن في الحقيقة نظرنا لها من زاوية وحيدة فقط .. هي الزاوية " المعتادة "
فالطيور قد ترى الأشياء من منظور غير منظورنا :
كما أن النمل و الزواحف قد ترى الأشياء من منظورها أيضا :
و قد يكون الشيء المُشاهد واحد في جميع الحالات ,
لكن يراه كلٌ حسب موقعه ,
كذلك هو الحال بالنسبة لنا كبشر ,
أحيانا نرى الأشياء من منظور معين ,
و أحيانا نراها - هي نفسها - من منظور آخر تماما عما كنا قد رأيناها به أول مرة ,
لكن المشكلة تكمن في أن نظرتنا للأشياء لا تتغير بسهولة ,
و غالبا لا يكون هذا التغير إلا إذا :
تخطفتنا الطير :
أو هَوَت بنا الريح في مكان سحيق :
و السعيد من وُعِظ بغيره ,
, و أفاق قبل أن يُقرَع رأسه !!!
.
.
.
.
.
موضوع مبهم و " مفزلك " و رخم , صح ؟؟
مجرد وجهة نظر شخصية ... من زاوية أخرى !!
....
20 التعليقات:
السلام عليكم
انا بقى شفت الموضوع من زاوية تانيه خالص,علشان كده بجد شايفة الموضوع اكثر من رائع,لانه بالنسبالي بيشير لمعاني مختلفة مش معنى واحد,والواحد يقدر يستخرج منه كذا فايدة,
بس المعنى الحقيقي المراد موجود في بطن(الباشمهندس).
السلام عليكم
أخى الكريم:
أنا شايف الموضوع من منظور مختلف وهو إن مدونتك روعة لما بها من العديد من الصرر المعبرة
تحياتى
ويسعدنى التواصل معك
وبالتوفيق دائما
لا شىء واحد احد صمد الا الله
سبحانه وتعالى عما يشركون
ولاجل هذا فكل ماعداه متعدد
ولى اضافة اخرى
هى (مفزلكة)كلمة
كانت دائما ما تقال
لى فى الماضى:)لانى دائما
اقول او اخذ الجانب الاخر
ولكنى ايضا ونادراُ ما اغير رأيىّ
لا لا لا
ملاحظ إن دماغك أعلى من 187سم بكتير
ياه موضوع رائع ومش هعرف أعلق على الموضوع أحسن أقلل من روعته هو كده حلو من غير تعقيب
شايفة الموضوع جميل
واستعانتك بالصور ايضا موفقة جدا ووضحت مقصدك ببساطة
سلمى محمد:
و عليكم السلام ,
و الحمد لله إنك شفتي الموضوع من زاوية تانية برضه :) ,
و هو بصراحة بالنسبة لي ليه أكثر من دلالة برضه ,
و هتلاقي كل واحد ليه معنى مختلف برضه :)
و المعنى مختلف في بطن كل واحد :)
شكرا جزيلا على المرور :)
اللؤلؤة :
و عليكم السلام و رحمة الله أخي الكريم ,
و الحمد لله إن الموضوع عجبك , و إن الصور كان لها تأثير إيجابي في توضيح المعنى :)
و أنا أيضا يسعدني التواصل معك أخي الكريم ,
تحيتي :)
دكتورة نور :
معاكي حق حضرتك ,
لا يوجد شيء واحد إلا الواحد الصمد ,
و بالنسبة لـ"الفزلكة" :) و النظر إلى الجوانب غير الاعتيادية فمتهيأ لي دي من صفات العباقرة :) , بجد أنا سمعت كده :)
و بالنسبة لتغيير الرأي فمتهيأ لي كل واحد صعب يغير رأيه إلا لو اقتنع بالرأي الجديد , أو تعرض لضغط نفسي شديد خلاه يغير رأيه !!
د عرفة :
لا لا هو حسب القياسات الميري بتاعة الجيش يبقى 188 :) ,
و شكرا جزيلا على إطرائك للموضوع ,
و هو جه كده .. مع الهُبل دُبل يعني :)
شكراجزيلا لمرورك يا دوكتور عرفة :)
تحيتي
موناليزا :
شكرا جزيلا على المرور ,
و الحمد لله إ، الموضوع بسيط و وصل بسهولة :)
شكرا جزيلا للمرور و التعليق ..
تحيتي :)
مش مبهم ولا مفزلك خالص
ده حقيقى جدا
من فتره ما مكنش حد بيواجه نفسه ولا غيره بحقيقه تفكيره زى ماحنا بنعمل اليومين دول
واعتقد ان دى حاجه كويسه جدا
اختلافات الراى واختلافات وجهه النظر موجوده
وجميل اننا نحاول نفهم بعض
ونفهم نفسنا
اسلوب الكلام بجد كان بسيط وهادى
والاجمل التوضيح بالصور
اسمحلى انا اخدت اول صوره واخر صوره
شكرا
لا لا متقولش هبل يا هندسه
انا مش بعرف أجامل
ده من قلبى بجد وبصراحه أنت مبدع
ونفسى أتعرف عليك بجد
اوك
مجهول
دينا :
الحمد لله إن الموضوع لم يكن مبهما ,
و بالنسبة لمواجهة النفس بالحقائق أو السماح لغيرنا بمواجهتنا بها فده من محاسن النت فعلا ,
الانفتاح على النفس و على الآخر ,
و بالنسبة للصور فهي مش بتاعتي أصلا علشان تستأذني مني :) ..
تحيتي
د عرفة :
الله يكرمك يا دوك :)
ربنا يرفع من روحك المعنوية زي ما رفعت من روحي :) ,
و أنا اللي أتمنى إني أتعرف عليك ...
السلام عليكم
احيانا احب اعيد قراءة بعض المواضيع اللي عجبتني سواء في الكتب او النت عموما وخاصة المدونات,بالذات بقى لما يكون الموضوع بيحمل اكتر من معنى,
علشان انا في اول مرة بافهم من وجهة نظر معينه,
والمرة الثانية بشوف من زاوية تانيه و...وهكذا(:,
بجد الموضوع جميل,
وشكل حضرتك ينفع فيلسوف,
افكارك رائعة,بجد دماغك عالية جدا زي ما دكتور عرفة بيقول(:
ماشاء الله عليك,ربنا يحفظلك دماغك ويبارك لك فيها.
جميلة ولعلنا نفقه
أحب التأملات كثيرا:) جزاك الله خيرا
ودمت بخير
لازلت أشعر أن هنالك رابط غريب بين حضرتك ومدونة تضبيط عامة خير ربنا يوفقكما لما يحب ويرضى
سلمى محمد ,
و عليكم السلام و رحمة الله ,
ده لي الشرف إن الومضوع عجبك طبعا :)
و بالنسبة لفيلسوف فأنا بصراحة بكره الفلسفة جدا :) ,
و زي ما قلت لـ د.عرفة .. جت مع الهبل دبل :)
و الدماغ اللي عاجبكم ده فاضي أصلا , ربنا يسترنا :(
خديجة عبد الله ,
جزانا و إياكم ,
و لعلي أفقه قبلكم :(
و بالنسبة للرابط بين المدونتين .. ما تاخديش في بالك :)