مش عارف ليه دايما بفكر عكس كثير من الناس بالنسبة للحمار بالذات ,
معظم الناس بتفكر الحمار ده حيوان غبي أو ما شابه ,
لكن على العكس ,
الحمار مش غبي بالمرة - و طبعا مش ذكي لأن ما عندوش عقل - ,
كفاية إنه بيفهم لوحده الطريق من البيت للغيط - الحقل - ,
و بيفهم إن المطلوب منه يشيل و يوصل ,
يعني عارف شغلته تمام
.
.
.
, و الواحد بيشوف الحمار ده حيوان طيب و صبور جدا ,
بجد اللي يبص لعينين الحمار عمره ما يشوف فيها غباء ,
إنما يشوف طيبة و انكسار :
يعني مش مكفي الناس إنهم مبهدلينه معاهم في الشغل
و محملينه أكبر من طاقته
,لا كمان بيقولوا عليه غبي
!! و أنا من هذا المنطلق ,
أنطلق مدافعا عن الحمار :)
و بين يديكم قصيدة كتبتها - من أقل من سنة بقليل - دفاعا عن الحمار ,
الذي هو أحيانا كثيرة يكون أفضل من راكبه ,
في حال تخلى الإنسان عن ما يميزه كإنسان ,
و ارتضى لنفسه رتبةً كالأنعام ... بل أضل !!
أترككم مع القصيدة :
أحب الحمير و أخلاقها *** أحب التفانيَ دون العمل
تراها تئن صباحاً مساءْ *** و لكن تُتَاِبع , إذْ لا كلل
و يُثقل ذاك الفتى ظهرها *** بشتى حمولٍ تهد الجبل
و لكن تطيع بلا رِيبةٍ *** تؤدي مهمتها , لا ملل
أراها نوابغَ تدري الطريق *** من الحقل للبيت , حبلٌ يصل
و ينعتها آدميٌ بسوء *** فتصبر , إذ عقله ما كَمُل
و تدري بجهل الغبي الحقير *** و تدري بما فيه من ذا الخَبل
أرى طيبةً في وجوه الحمير *** و عقلا رزيناً و صبرا حَصَل
سأحيا حياتي أحب الحمير *** و أبكي على حالنا و الطلل
.
.
.
.
و لا انت شايف إيه ؟؟
...
23 التعليقات:
ممكن يكون معاك حق في تعاطفك مع الحمير,
انا بيصعب عليا قسوة البشر عليه,ولسه من كام يوم شايفة واحد نازل ضرب فيه لحد ما الحمار اتجرح اكتر من جرح,قلت ده اغبى من الحمار,
انا بحب في الحمار انه بيأدي عمله اللي مكلف بيه واللي ربنا خلقه ليه,على عكس الناس دلوقتي اللي ماعدوش بيعملوا اللي ربنا كلفهم ليه,
بس ما نقدرش نشيل عن الحمار صفة الغباء,
انا لما اجي افكر زيك بافتكر ازاي ربنا ذم اليهود وشبههم بالحمار,يعني ذم,يعني لما انت شايف الحمار في كل المميزات دي يبقى غلطان اللي يزعل لما يتشتم بالحمار,ولا ايه؟
ربنا وصف اليهود في غباءهم انهم يحملوا التوراة ومش بيستفيدوا منها حاجة,بالحمار اللي بيحمل الاثقال لا يناله منها الا التعب"مثل الذين حملوا التوراة كمثل الحمار يحمل اسفارا بئس مثل القوم الذين كذبوا بآيات الله..."
لكن العيب مش على الحمار,لان ربنا هو اللي خلقه كده,لكن عيب على البشر اللي بيلغوا عقلهم ويكونوا زي الحمير,مع الاعتذار للحمار.
والله مبدع ياابراهيم حقيقي شعر رائع رائع رائع
تسلم ايدك
انت فعلا صح ومنطق تفكيرك في الحمار صح مش الود الصغير البيجي في التلفزيون ويقول اني بعطف عليه عشان كده بغنيلو لا دا هوه عشان ياخد فلوس بس يعني لو قالولو غني لاي حاجة هيغني عموما مش موضوعنا بس انا بجد مش بطيقة وماصدقت الاقي فرصة اطلع كرهي ليه
عموما بجد في تقدم ان شاء الله وبالتوفيق يارب
وان شاء الله تكتب كمان وكمان وتشجينا بكلماتك الرائعة
ليكون طولت عليك ولا حاجة
تقبل خالص تحياتي
وان شاء الله تكون قدرت تفتح الكتب وتسترجع معلوماتك
استأذنك اخد الشعر اوريه لصحباتي بس اطمن هقولهم للكاتب الكبير
(((ابراهيم سلام)))
صح -سلام- ولا -سلامة- عشان اكون دقيقة هههههههههههه
الله عليك !
لا وأنا لسه حالا كنت بقرأ في كتاب فرنسي مترجم اسمه خواطر حمار :)
على فكرة نسيت اقول في التعليق الاولاني ان الشعر فعلا رائع,
ربنا يزيد ابداعك اكتر واكتر.
سلمى محمد :
هو فعلا اللي بيجذبني للحمار هو طاعته و صبره و قيامة بما خُلق له لا أكثر ,
لكن طبعا هو مش ذكر و لا حاجة , هو في الأول و الآخر حيوان ,
و زي ما قلتي إن الحمار حيوان مذموم ربنا شبه بيه اليهود في عدم استفادتهم مم يحملون ,
أنا حاولت فعلا أغير شوية في البوست بدل ما أنا " مأفور " :) في الحكاية دي ..
جزاكم الله خيرا على التنبيه ,
و شكرا جزيلا على المرور ,
و الحمد لله إ، الأبيات اللي في النهاية عجبتك ,
تحيتي
fnoonh
شكرا جزيلا على المرور ,
و بلاش مبدع دي , خاصة إن الموضوع عن الحمار :)
خلي الإبداع في حاجة تانية :)
عموما شكرا جزيلا على كلامك ,
و ما يهمكيش , كل الناس مخنوقة من الواد " الصغير " ده :)
هههههه
و اتفضلي الشعر طبعا :) وريه لأي حد ,
بس أنا مش " سلام " و لا " سلامة " :)
لكن الأقرب " سلام " و هو أحد الأجداد غير المعروفين عندي , ما حدش يعرف إن لينا جد إسمه سلام غيري :) بجد
سلام - من غير شدة على اللام :)
حسام غانم :
شفت بقى الحمار عندهم واخد حقه إزاي ؟؟
عامل كتاب , و مترجمينه كمان :)
يا بخته :)
السلام عليكم
شعر جميل وطلع من حظ الحمار
يلا يعني هو مالوش نفس
موضوع جديد وفريد من نوع
دمت بخير
غربتي
البوست كده بعد التعديل احلى,
بس الا هو كلمة مأفور يعني ايه؟؟!!
غربتي
و عليكم السلام و رحمة الله ,
معلش بقى , مرة من نفس الحمال :)
شكرا جزيلا لمرورك ,
دمتِ في أمان الله
سلمى محمد :
الحمد لله إنه اتظبط ... شوية :)
و بالنسبة لـ" مأفور " :) فمعلش دي مش عربية , دي جاية من "OVER" , أي : جاوز الحد :) , أو "وسعت منه" يعني :)
آه فهمت,انا كنت قرات التشكيل بتاعها غلطت,لو كنت قرات تشكيلها صح كنت فهمت انها جاية من اوفر(:
عزيزى
الحمار ده سكر ومن اذكى الحيوانات
وكفايه انه من الحيوانات القليله اللى ذكرت فى القرأن الكريم
وهو عنده عقل جامد اوى
ومعاك حق نظرة الانكار والبرائه بحسها فى عينيه
الشعر جميل اوى
بس الحمار كان يحتاج اكتر من كده كلام
وبدل اتكلمت عن الحمار اديله حقه بقه
ولا علشان ابتدى الاعتماد عليها يقل شويه
تحياتى
سلام
ibrahim sallam
السلام عليكم ورحمة الله وبركاته
فى يوم ميلاد المصطفى صلى الله عليه وسلم ادعو الله لى ولك بالخير وجميع اهلك ومن احببتم بالسعادة والسرور
لك تحياتى والسلام عليكم ، ولا سلام مع اليهود
رجاءا يا اخواتي واخواني في الله اجعلوا حبكم للرسول حبا دائما باقتداء سنته والصلاة عليه وحبه وحب اصحابة وكل من يحبه وليس باكل الحلوى والاحتفال بيوم مولده
هناك من يبحث عن الجمال فى كل ما حوله
هناك من يعيشون الحياة فقط وهناك من يتألمون بها
ولنا فى كل شىء عبرة ربنا يرزقنا وإياكم البصيرة والفهم والرشاد إن شاء الله
والله أنا كان ليا رأى فى "الجاموسة" إنها عارضة أزياء ولازلت مصرة على رأيى :) معرفش بحس إنها بتمشى كده زى العارضات مجرد تأمل ربنا يهدينا
بالنسبة للكلمات فعلا موهبة تستحق الشكر ماشاء الله تطويع الكلمات بما يلزم فضل من الله ماشاء الله ده نق صحى مش حسد :)
ما رأى حضرتك بتجميع كل المواهب فى ديوان ؟ مثلا تبع دار اكتب أو أى دار
سلمى محمد ,
آه صحيح فعلا , من غير التشكيل ممن تتنطق حاجة غريبة قوي :)
احساس لسه حي ,
شكرا جزيلا على مرورك :)
و كويس إننا متفقين على طيبة الحمار الناطقة في عينيه ,
و على كونه حيوان بيفهم , و الدليل على كده إنه ممكن الترويض ,
بس معلش , أدي الحمار حقه إزاي ؟؟ :)
ما فهمتش الحتة دي :) :)
بيرم المصري :
و عليكم السلام و رحمة الله و بركاته ,
و جزاك الله خيرا على الدعاء أستاذي الفاضل ,
و شكرا جزيلا على المرور و الدعاء ,
جزاكم الله خيرا
fnoonh
شكرا جزيلا على التنبيه ,
رزقنا الله الاتباع لا الابتداع ..
و جزاكم الله خيرا ,
خديجة عبد الله :
ههههههههه
ضحكت كتير بد على حتة الجاموسة دي ,
فعلا الواحد لما بيشوفها ماشية بتتمايل بيحس إنها رايقة قوي :)
و بالنسبة للكتابة .. فمافيش نق و لا قر بيأثر , لأن الواحد " معيون " طبيعي :)
و بالنسبة للديوان , فالواحد كان فكر في الفكرة دي جديا زمان , و رحت قصر الثقافة أسأل و كده ,
بس ما حدش عارف حاجة , فقلت خليهم متجمعين في الكشكول عندي لحد ماأموت , و البركة في الورثة بقى :)
يا هندسة متزعلش نفسك كده
هو البني آدم كده عايز يفش غله في أي حاجة وخلاص ..
أنا معاك طبعا ان الحمير احيانا أحسن من بشر كتير
واسالني أنا ...
وقبل ما امشي عايز اقولك ان شعرك جميل بجد
مش مجاملة
بس حقيقة والله :)
سلام ,,