................... تحديث ...................
شكرا جزيلا على آرائكم ,
لكن أنا البارح كلمت زمايلي و أخدت رأيهم ,
و كلهم شايفين إنه ما ينفعش ,
لازم الراجل يكون يعرفني أو جاي له عن طريق معرفة
علشان يستأمنني و أنا قاعد في الورشة على الأقل
ما ينفعش ياخد واحد من الشارع :(
و صليت استخارة و اتخنقت من الموضوع بصراحة
عموما ربنا يسهل , أنا نويت أرجع أفتح كتب المحركات و التكييف و أراجع معلوماتي ,
و لو لقيت حد معرفة هبقى أقول له :(
و ربنا يهيأ اللي فيه الخير ,
.........................................
من أول امبارح طقت في دماغي فكرة إني بدل ما أقعد في البيت زي البنات كده ,
أروح في أي مكان أتدرب فيه ,
و طبعا لأني مرفوض في أي مصنع أو مركز صيانة كمتدرب لأني لست طالبا ,
فكرت أروح لميكانيكي ,
واحد زميلي وصف لي ميكانيكي " بيفهم " اسمه الحاج سعيد تركيا - و ما حدش يسأل عن تركيا دي -
و رحت له امبارح الصبح ... بالعجلة
لكن مالقيتهوش , و لقيت الصبي بتاعه و قال لي إنه بييجي بعد الظهر ,
المهم روّحت و قعدت أفكر ,
طب أنا هروح لراجل ما يعرفنيش , و لا عمره شافني ,
و أقول له : عاوز أقف معاك في الورشة كام يوم أتعلم منك !!
طيب هو هيرضى ليه ؟؟
إيه العائد اللي هيعود عليه ؟؟
هو طبعا مش هيديني فلوس و لا بتاع , يعني مش خسران حاجة ,
لكن أنا ممكن أعطله لأني مش عارف حاجة ,
و بعدين هو هيستأمنني ليه و يوقفني معاه و هو ما يعرفنيش ؟؟
و بعدين ممكن يغير أصلا لما يعرف إني مهندس , و يقول ده جاي يتعلم و ياخد " علم السنين " !!
المهم ما عديتش عليه تاني بعد الظهر زي ما كنت ناوي ,
و مش عارف أعدي عليه و لا لأ ,
و كمان ما قلتش لهم في البيت و أعرف إن كانوا هيوافقوا أصلا و لا لأ !!
لأني أصلا مش عارف آخذ قرار ,
و مش عارف أصلا هبدأ الحوار مع الراجل إزاي ؟ و أقول له إيه في الأول ؟؟
و لا أقعد في البيت و " أكمل جميلي " لحد الجيش ,
و أفتح كام كتاب أسترجع معلوماتي و خلاص ؟؟
بصراحة مش عارف أعمل إيه ؟؟
ادعولي بالخير ,
ادعولي ما تكسلوش :)
...
شكرا جزيلا على آرائكم ,
لكن أنا البارح كلمت زمايلي و أخدت رأيهم ,
و كلهم شايفين إنه ما ينفعش ,
لازم الراجل يكون يعرفني أو جاي له عن طريق معرفة
علشان يستأمنني و أنا قاعد في الورشة على الأقل
ما ينفعش ياخد واحد من الشارع :(
و صليت استخارة و اتخنقت من الموضوع بصراحة
عموما ربنا يسهل , أنا نويت أرجع أفتح كتب المحركات و التكييف و أراجع معلوماتي ,
و لو لقيت حد معرفة هبقى أقول له :(
و ربنا يهيأ اللي فيه الخير ,
.........................................
من أول امبارح طقت في دماغي فكرة إني بدل ما أقعد في البيت زي البنات كده ,
أروح في أي مكان أتدرب فيه ,
و طبعا لأني مرفوض في أي مصنع أو مركز صيانة كمتدرب لأني لست طالبا ,
فكرت أروح لميكانيكي ,
واحد زميلي وصف لي ميكانيكي " بيفهم "
اسمه الحاج سعيد تركيا - و ما حدش يسأل عن تركيا دي -و رحت له امبارح الصبح ... بالعجلة
لكن مالقيتهوش , و لقيت الصبي بتاعه و قال لي إنه بييجي بعد الظهر ,
المهم روّحت و قعدت أفكر ,
طب أنا هروح لراجل ما يعرفنيش , و لا عمره شافني ,
و أقول له : عاوز أقف معاك في الورشة كام يوم أتعلم منك !!
طيب هو هيرضى ليه ؟؟
إيه العائد اللي هيعود عليه ؟؟
هو طبعا مش هيديني فلوس و لا بتاع , يعني مش خسران حاجة ,
لكن أنا ممكن أعطله لأني مش عارف حاجة ,
و بعدين هو هيستأمنني ليه و يوقفني معاه و هو ما يعرفنيش ؟؟
و بعدين ممكن يغير أصلا لما يعرف إني مهندس , و يقول ده جاي يتعلم و ياخد " علم السنين " !!
المهم ما عديتش عليه تاني بعد الظهر زي ما كنت ناوي ,
و مش عارف أعدي عليه و لا لأ ,
و كمان ما قلتش لهم في البيت و أعرف إن كانوا هيوافقوا أصلا و لا لأ !!
لأني أصلا مش عارف آخذ قرار ,
و مش عارف أصلا هبدأ الحوار مع الراجل إزاي ؟ و أقول له إيه في الأول ؟؟
و لا أقعد في البيت و " أكمل جميلي " لحد الجيش ,
و أفتح كام كتاب أسترجع معلوماتي و خلاص ؟؟
بصراحة مش عارف أعمل إيه ؟؟
ادعولي بالخير ,
ادعولي ما تكسلوش :)
...
25 التعليقات:
ربنا يوفقك ويرشدك ويقدرلك الخير يكفي انك بتسعى زتبحث وتجد عشان تشتغل وماتقعدش في البيت
الشئ دا بحد ذاته ان شاء الله هتؤجر عليه
ربنا يعينك
وانا من رايي انك تعرض الموضوع على الراجل وتقوله وتحاول تحسسه انك انسان امين مش كده ولا كده وتدي انطباع عنك انك انسان كويس عاوز تتعلم
ولو وافق حاول تقنع اهلك وتعرفهم انك مش عاوز تقعد في البيت وكده
بس
وربنا يوفقك
تقبل تحياتي
اها هوه في حاجة
انت متخرج من هندسة ومش لاقي شغل بجد
ولا انت مش متخرج من هندسة
اصلي اعرف ان كلية الهندسة كلية كبيرة والمهندسين بيلاقو شغل كويس قوي ولا في مصر حتى الدكتور مابيلاقيش ياكل
والله جايز اصل مصر جميله ههههههههه
بسم الله
اولا شكل المدونه عاجبنى بجد رغم انى بحب الازرق بدرجاته اكتر
بس نوعا ما بحس بالخيال فى اللون الجديد ف جميل
ثانيا قبل الموضوع
ايه اقعد فى البيت زى البنات دى؟؟؟؟؟؟؟؟؟؟
بلاش اتكلم كتير فى النقطه دى عشان اكيد فهمت وبلاش نخوض حرب هو وهى هههههههه
ثالثا
بجد فكره هايله انك تفكر تتعلم حاجه جديده
ومش عيب ابدا انك تروح لميكانيكى تتعلم منه
بالعكس لو عملتها بجد هتعلى فى نظر نفسك ونظر اللى حواليك رغم انى فى كتير ممكن يعترضوا
وجميل انك تفكر انك مش تقضى وقتك فى دنيا الفضا وخلاص
من راى تستخير ربنا
ومش لازم تروح للعم تركيا من الاول كده خبط لزق
ممكن تعدى عليه يوم تسلم عليه وتعمل كانك بتساله عن حاجه فى عربيه واحد صاحبك
ويوم بتعدى تسلم عليه وتقوله ان نصيحته نفعت
ويم تعدى تسلم عليه بس
ويوم تبدا تجر كلام معاه انك تتعلم منه وتستفيد من خبرته
ويمكن ينفع الموضوع وتبقى كسبت صديق نوعا ما واتعلمت
يمكن مين عارف
بس مش تنسى تظبط نيتك فى كل خطوه وكل مره عشان ربنا يفتح عليك
وربنا يهديك لما يحبه ويرضاه
وابقى قولى لو خطتى نفعت عشان اجى اصلح عربيتى المستقبليه عندك باذن الله D:
اه نسيت اقولك بلاش لو سالك انت بتشتغل ايه تكدب
خليك صريح بشكل مش يزعله لاننا مش نعرف رده فعله
امممممممم
ولو حدفك بمفتاح 15 مش تدعى عليا
ههههههههه بالتوفيق
يااااااااااااااااااااااااخسارة صلاة الجمعة
وجبت ارد عليك لما ارجع ياباشمهندس بأذن الله بس
انت ادعيلى معاك فى صلاة الجمعة يعنى انى ارجع وكمان
انى افتكر انا كنت فين قبل ما اروح مش انت بس اللى
حيران شفت ازاى احنا حيارنين كمان!
خطوة جميلة انك تفكر انك تستفيد من وقتك في تعلم حاجة هتنفعك ان شاء الله في مجال تخصصك,
الكلام اللي هقولة ده مجرد راي,ولك انك تاخذ بيه او لا,
اول حاجة لازم تستخير ربنا,وتاني حاجة تستشير ناس اكبر منك عندهم خبرة في نفس مجالك,
وبعدها تفكر في الطريقة المناسبة اللي هتكلم بيها الراجل,
لو انت مستعجل ممكن تدخل معاه في الموضوع على طول بس بشكل كويس,يعني ياعم الحاج انا لسه صغير ونفسي اتعلم والبركة فيك ده انا سالت وملقيتش احسن منك,ده بيقولوا عليك ذكي وشاطر و...,يعني تنفخ فيه اوي وتعظمه,يقوم يحب يوريك شطارته ويوافق على طول,
او زي مادينا بتقول بالتدريج لو عندك وقت,
المهم ما تتراجعش في خطوة انت اتخذتها وهي في مصلحتك,
بس ده يتوقف على الاستخارة والاستشارة,
وربنا يارب يوفقك وييسرلك امرك ويرزقك بالخير في كل حياتك,
عموما طلبك للدعاء ده مجرد زيادة توصية لاني بالفعل بادعي لكل اللي اعرفهم من غير ما يطلبوا.
لسلام عليكم ورحمة الله تعالى وبركاته
الحمد لله رب العالمين عدنا بالسلامة وكمان
لسه فاكرة انى اجى اكمل الكلام فهنيئاًلى ولك
(اصل الصراحة ما بعملها كتير حكاية الرجوع لاكمال
واستكمال المواضيع:(غلطانة انا عارفة و...)لكن مش ده موضوعنا عامة نرد بقى على الكلام المضبوط ده بكلام زيه مضبوط:)
حاقولك هو انت حتخسر حاجة لو جربت ورحت (للمستشار الاستاذ الحاج سعيد الايطالى او التركى
مش مشكلتنا:) لكن مشكلتنا
هو انك تقرر شىء وتنفذه
فاهمنى ؟ونصيحة لا تقل له انك مهندس!بل دبلوم زراعة :(لا تستغرب اريد ان اعفيك من حساسية
بتحدث بين اصحاب الخبرة اواصحاب الياقات الزرقاء وبين اصحاب الياقات البيضاء او المتعلميين اصحاب الشهادات اللى هو احنا :(وللاسف احيان كتيرة:( بيكونوا هم احسن منا عمليا وماتكلمنيش
عن الكتب واللى فيها العلم ياباشمهندس
فى الراس مش فى الكراس وووووحاجات كتير
بس لو اتفتحت فى الكلام مش حأخلص
وما تحكى للى فى البيت نصيحة
تانية (عد عندك كام نصيحة
لحد الحين:)ماتقولهم فاهم انت
لا تعمل حرام ولا عيب ولا ..
روح واتفق مع الراجل
وشوف النتيجةايه
وربنا يكملك
مافيه الخير
انت
وكل الشباب
اللى زيك يارب
ايه ده الكلام الجامد
اللى انا بقوله ده
ياقات بيضاء وزرقاء:)
سامحنى لكنى اعتقد اسرفت
فى الكلام ولا انت رأيك ايه؟
السلام عليكم ورحمة الله وبركاته...وبعد
فبرجاء التنبيه... والتنويه....على الزائرين الكرام الذين يكتبون التعليقات القيمة..أنهم عند مخاطبة الإناث يكتبون:
شكرا "لكى"
"دمتى" بخير
"جزاكى" الله خيرا
والصحيح أنها تكتب بغير"ياء".
ويفرق بين خطاب الإناث وخطاب الذكور بالحركات،
فتوضع الفتحة على نهاية الكلمة عند مخاطبة الذكور فنقول: "لكَ"، "دمتَ"، "جزاكَ"
اضغط }ض{SHIFT+
وتوضع الكسرة على نهاية الكلمة عند مخاطبة الإناث فنقول: "لكِ"، "دمتِ"، "جزاكِ"
اضغط } ش{SHIFT+
هذا من باب حب اللغة العربية والغيرة عليها...
"واللى مش بيغير.. يبقى مش بيحب"
مع الاعتذار للفصحى
وتقبلوا شكرى وتحياتى
زى البنات :) قال إن البنات قاعدين مثلا ده البنات الأيام دى بقت مزاحماكم فى كل شىء وده من وجهة نظرى المحدودة مش حلو :( ما علينا
المهم متعملش زيى وكل ما تقرر خطوة "تفعص"و"تمحص" وفى الاخر تتراجع بخفى حنين :( نفذ للآخر ماما مرة قالتلى بلاش النط كملى حاجة للآخر
حاجة تانية : طبعا زى ماقالوا الزميلات استخير واستشير بس أعتقد إنت عديت الخطوة دى بتاعت الاستخارة وكده ..
ياااه وعمالة اتكلم من ساعتها .. ما الهدف ؟ بعمل ده ليه ؟ .. من رأيى روح جيم أو خد دورة غوص :) أو حاجات من دى مجهود كبير وممتع على حد علمى
فى الاخر كل ده خرايطنا احنا المهم ما تريده حضرتك وما سيتناسب مع هدفك وربنا يوفقك للخير كله إن شاء الله وييسر أمرك ويسعد قلبك ويختار لك الخير ويرضيك به
عذرا للإطالة ودمت بخير
حلو اقتراح الاخت خديجة عبدالله
بتاع الجيم(كان رايح عنبالى فين بس!)
والاحلى منه دورة الغوص
بس يمكن صعبة شوية!خلينا فى الجيم
احسن وايسر وافيد كماااااااااان.
fnoonh
شكرا على المرور و النصيحة ,
بس الموضوع طلع ما ينفعش ,
و بالنسبة لي , أن اخريج هندسة فعلا ,
بس مش ينفعش أشتغل لأني داخل الجيش في إبريل إن شاء الله ,
و ما حدش بيرضى يشغل حد لسه ما خلصش جيش :(
دينا /
أنا برضه بحب شكل المدونة ,
لأني بحب اللونين الأزرق و الأبيض مع بعض جدا ,
و معلش في " زي البنات " , أصلي ضد عمل المرأة إلا في ما لا يقوم به غيرها ,
يعني إلا في التخصصات التي تحتاج لها كالتدريس للبنات أو طبيبة للسيدات أو ..
و معلش بقى حاة الأسطى تركيا دي اتفشكلت ,
ربنا يهيأ اللي فيه الخير
د . نور :
جمعة مقبولة إن شاء الله ,
أنا فعلا صليت استخارة ,
و سألت مايلي اللي في نفس المجال و قالوا لي ما ينفعش تروح لحدا ما تعرفهوش كده ,
فللأسف ... تراجعت !!
و على فكرة سألت في حتة إني أقول لأي حد على تخصص وهمي , في أي مكان , قالوا لي بلاش , هتتكشف في الآخر و هيبقى شكلك وحش و كداب :(
معلش حضرتك اهتميتي و رديتي كتير و تعبتي نفسك ,
و أنا كالعادة تراجعت !!
بس ربنا يقدم اللي فيه الخير ,
جزاكِ الله خيرا يا دكتورة ,
سلمى محمد :
كلامك مقنع , و أن االحم دلله بعرف أتكلم , بس الاستشارة قالت لي إن ما حدش ينفع ياخد حد ما يعرفوش و يستامنه في مكان عمله ,
و الاستخارة كمان حسيت إني ماليش نفس خلاص للموضوع ده بعدها ,
فللأسف .. تراجعت عن الخطوة ,
بس إن شاء الله نمشي في طريق تاني , طريق مراجعة الكتب و المواد الدراسية ,
و ربنا يهيأ الخير ,
و جزاكِ الله خيرا على الدعاء ,
الواحد برضه بيدعي لجميع المسلمين و المسلمات إن ربنا يوفقهم لما يحب و يرضى ,
ربنا يوفقنا و إياكم لما يحب و يرضى و يهدينا و يتوب علينا ,
د.توكل :
و عليكم السلام و رحمة الله و بركاته
جزاك الله خيرا على النصيحة ,
و إن شاء الله نتبعها في كتاباتنا بالفصحى ,
جزاك الله خيرا
خديجة عبد الله :
معلش , فعلا زي ما بتقولي البنات دلوقتي بقوا مضيقين على الصبيان في العمل و في الحياة ,
بس الحمد لله عندنا في ميكانيكا عددهم يكاد يكون مهمل :)
و شكل بقيت - أو أنا أصلا - زي حضرتك .. رجعت في الكلام تاني , .. و بسرعة كمان :(
و شكلي فعلا هقضي اليومين الفاضلين في الجيم :) ,
ربنا يوفقنا و إياكِ و يهدينا و ييسر لنا الخير و إياكم ,
جزاكم الله خيرا أختي الكريمة ,
د. نور :
شكلي فعلا هقضيها جيم ,
أو غوص .. لكن في السرير :) ,
ربنا يهدينا و يهيأ لنا الخير و يهيئنا له ,
هقولك يا هيما
لو عرفت مكان لدورات الغطس دى
تبقى تقولى
انا نفسى اخد غطس
وبعدين الجيم ظريف بس متقلش على نفسك
اهم حاجه تسيبك من القعاد الكتير على الجهاز
علشان ده هو اللى بيجيب الملل
ان شاء الله ربنا هيكرمك
واستنى الجيش بتاعك الاول
السلام عليكم
صديقى العزيز
معجب جداً بصراحتك يا باشمهندس أما عن رأييى فى ذهابك لتركيا من عدمه فأنا أرى أنه لابد من ذهابك له وبأمر الله طالما إنت إنسان صادق مع نفسك ربنا هيوفقك
دمت بكل الخير
د. عرفة :
لا لا , ما تاخدش في بالك حكاية الغطس دي ,
مافيش منها في الغربية :)
و بالنسبة للجيم ,,, الله أعلم !!!
بس هعمل بنصيحتك و هحاول ما أقعدش كتير على الجهاز ,
تحيتي :)
اللؤلؤة ,
و عليكم السلام و رحمة الله يا عمرو ,
و بالنسبة لأمر الميكانيكي ,
فواحد قال لي إن دي أسهل حاجة أقدر أتعلمها في الجيش , لأن كل وحدة فيها مركبات و ميكانيكية , و أن اهبقى ظابط بقى :) و كلهم يتمنوا يخدموا " حظابط " :) ,
ربنا يقدم اللي فيه الخير ,
و لا تنسنا من دعائك يا عمرو ,
جزاك الله خيرا
م/ابراهيم
خيرها في غيرها,
ربنا يقدرلك الخير ويرضيك بيه,
أنا آسفة جدا,باين حضرتك فهمت كلامي غلط,أنا متأكدة إن حضرتك لو كنت كلمت الراجل كنت قلت كلام أحسن من كلامي,أنا كنت بس بضرب مثال على الكلام علشان اوصل قصدي,
معلش هو أنا كل ما آجي أكحلها أعميها مش عارفة ليه؟
وبالنسبة للدعاء ففعلا واجب علينا كلنا ندعي دايما لكل المسلمين بالخير,وعن نفسي بخصص الدعاء للاعرفهم,
فأسل الله أن يتقبل منا ومنكم.
سلمى محمد :
لا لا , مافيش فهم غلط و لا حاجة
أنا ما قصدتش أتكلم عن الكلام اللي انتِ قلتيه يعني ,
يعني عارف إنه كمثال , أنا بس قلت إن المشكلة بالنسبة لي مش في الكلام اللي هقوله له , إنما المشكلة في فيه هو إيه الدافع اللي يخليه يوافق ,
و مافيش داعي للأسف , مافيش حاجة اتكحلت و لا اتعمت و لا حاجة :)
و أنا الحمد لله الموضوع طلع من دماغي بعد ما حسيت بنفور منه , و إن شاء الله زي ما قالوا لي إني لازم " استغل نفوذي " :) و أنا ظابط و أتعلم من ميكانيكي الوحدة , و لا الحوجة لسعيد تركيا و لا لسيد ألمانيا :)
و ربنا يجازيكِ خيرا على الدعاء ,
دمتِ في حفظ الرحمن ,,
ربنا يوفقك ويقدرلك الخير يارب
بدعيلك دايما والله ...
بص يا ابراهيم باشا
أنا رأيي من رأي زميلك بالظبط ,,, وكويس انك عملت كده وإن شاء الله خير
أنا عارف ان الفترة دي صعبة ,,, ودا مش كلامي بس دا باجماع الجميع وناس كتير مرت بالموقف دا
المهم انك متستسلمش لليأس الله يكرمك ,,
بعد الجيش ربك هيعدلها إن شاء الله
دعواتي ليك بالتوفيق إن شاء الله :)