النهاردة يوم حافل بالمتناقضات ,
الصبح قعدت أرغي مع ياسر عمر
و صراحة تقريبا وصلت لشوية حاجات أهمها إني :
ماشي , أنا مش عاوز أعمل حاجة في الدنيا علشان بكرهها ,
ماشي , مش هعمل حاجة ,
بس ليه أخنق نفسي ؟؟
طيب ما أنا ما أعملش حاجة في الدنيا , و لا أفيد الدنيا بحاجة ,
و في نفس الوقت ما أخنقش نفسي ,
و أحاول أعيش مبسوط و تمام لنفسي ,
مش علشان حد تاني
تاني حاجة إن أنا مش واضح عندي حتة معينة ,
أنا بقول إن الدنيا صعب و مقرفة و رخمة ,
و في نفس الوقت بقول إني انا ضعيف و كسول و مش عاوز أعمل فيها حاجة ,
و ده في حد ذاته تعارض ,
لأني عارف إني مش ضعيف ,
و إني الحمد لله لو عاوز أعمل حاجة بعملها كويس قوي ,
بس المشكلة في النفس !!
و طالما أنا كده , بيقى الدنيا مش صعبة للدرجة
و إني قادر أتغلب عليها ,
حاجة كمان , إني لازم أعرف إني في مرحلة انتقالية ,
يعني ما أخنقش نفسي و أحاول أعمل حاجات لسه مرحلتي ما وصلتش ليها ,
على الرغم من إن زمايلي وصلوا لها - زي الشغل - لأننا اتخرجن اخلاص
و حياة كل فرد اختلفت عن التاني , و لم نعد مثل أيام الدراسة ,
مش فاكر إيه تاني :)
.
.
.
.
.
.
نيجي بقى للحاجة اللي خنقتني بعد الظهر
رحت منطقة التجنيد , و استنينا لحد الساعة واحدة و نص , و الآخر يقولوا لنا تعالوا يوم 13-4
رحنا لهم 15-3 , قالوا تعالوا 21-3 , رحنا 21-3 قالوا تعالوا 13-4
و الجدي بالذكر إن الواحد كان خلاص رستق نفسه على ظابط ,
لقيتهم بيقولوا إن فيه حوالي 100 هينزلوا عساكر !!!!!!!!!!!!
الواحد بصراحة رجع قلقان و حيران تاني ,
عاوز ينزل عسكري , و خايف ينزل عسكري ,
و مش عارف إن كنت أعوز أفضل ظابط و لا لأ ,
الواحد بقى له 10 شهور مش عارف هو رايح فين بالظبط ؟؟
شوية مش عارف داخل جيش و لا لأ ,
و دخلت مش عارف ظابط و لا عسكري ,
و دخلت ظابط بعدين عسكري , بعدين ظابط ,
و لسه مش عارف هترسى على إيه ؟؟
ربنا يسهل ,
الواحد اتخنق , و وسواس الانتحار بدأ يرجع تاني مع إني مأخره ليوم حفلة التخرج 2-4 ,
بس الواحد بيحاول يستعين بالله و يقاومه
و ربنا يهيأ اللي فيه الخير ,
و يختار لنا الخير حيث كان و يرضنا به
....
0 التعليقات: