بسم الله الرحمن الرحيم ,
فكما أن البدن قد تعتريه الأمراض
فإن العقل أيضا قد يكون عرضة لأمراضٍ أخرى ,
لكن مرض العقل يكون أشد فتكاً من مرض البدن ,
فإن البدن إذا مرض , جاءه العقل فصَبّره و سلّاه عما هو به ,
و أمّله أنه سيشفى بإذن الله عن قريب ,
أما العقل إذا مرض , فلا معزٍ له و لا مؤسٍ ,
فيظن من مرض عقله أن لا فكاك له من هذا الذي قد اُبتلي به ,
أو لا يدرِ أصلا أنه قد مَرِض ,
فيزيد مرضا على مرضه ,
و أمراض العقل على أشكال :
فمنها :
تلك الانحرافات الفكرية التي تصيب العقل ,
فيلتبس عليه الحق و الباطل , و الخير و الشر ,
و منها الجهل و الشبهات و غيرها
و دواؤها في العلم , فإنما شفاء العيّ السؤال ,
و منها :
ما قد يصيب العقل مما يخالف الفطرة ,
فيجد المرء نفسه مدفوعا لاعتقاد شيء لا يراه صحيحا ,
بل يجد نفسه مدفوعا بلا رغبةٍ منه لعتقاد هذا الشيء ,
و هذا من أشد الأمراض ,
إذ يجد الإنسان نفسه مخالفا لجميع من حوله ,
و هو يدري أنهم على صواب بينما هو على خطأ ,
لكنه لا يستطيع أن يوقف ذلك الوسواس في عقله ,
فلا سبيل له للخروج مما هو فه إلا بالدعاء و التضرع لله عز و جل أن يزيح عنه ما قد ابتلاه به ,
و لا يجزعن مما أصابه ,
فإنه يوما ما سيستقيم فكره كباقي الخلق بعد أن يمن الله عليه بالشفاء ,
و ....
خلاص لأني زهقت من الفزلكة ...
و بعتذر لكل الناس اللي ريحتها بغيابي :)
و بشكر كل الناس اللي سألت عليا ,
بس ما تنسوش الدعاء ,
..
18 التعليقات:
هو ايه الهبل؟
انا مش فاهمه حاجه!!!؟
معلش , يا سلمى ,
أصلي كنت كاتب مووع متفزلك فيه و رجعت عن رأيي ,
و المفروض إن الموضوع ده هو الموضوع الوحيد المتاح في المدونة,
طيب عرفتوا توصلوا للموضوع التاني إزاي ؟؟
على فكرة كان كويس
إنا بطالب برجوعه تانى
وإلا هقول على كل حاجة
انا مش فاهمة حاجة
؟؟؟؟
د. ياسر :
بس كده ؟؟ انت تأمر ,
احنا مش قد تهديداتك يا عم ياسر ,
هحطه رغم إني نفسي تقريبا مش فاهمه
fnoonh
ما يهمكيش ..
أصل مافيش حاجة علشان تتفهم أصلا :)
مرحب بعوتك
ونطالب بعوده الموضوع
كده مش نافع
الموضوع اهو صحيح
معاك حق طبعا فى كلامك كلام واضح ومش فزلكه ولا حاجه
جميل
ومتحرمناش منك بعد كده
الله يخيليك يا د. محمد ,
و آدي الموضوع الكئيب عاد أهه ,
أنا لو بقرأه لواحد مش هكمله :P و هقفل الصفحة
إيه الفزلكة الفاضية دي ؟؟
عموما شرفتنا يا محمد , و نورتنا , و يارب تكون عملت كويس في الامتحان النهاردة :)
كلام جميل وعين العقل مش فزلكه ولا حاجة
بل بالعكس كلام معقول وسليم
والحمدلله على رجوعك من الغيبة دي
وربنا يوفقك ويثبتك على كل خير ويبعدك ويبعد عنك كل شر
تحياتي وتقديري
انا كده فهمت,
الكلام كويس جدا,
وربنا يديم علينا نعمة العقل,
ويشفي مرضانا ومرضى المسلمين وفعلا مفيش مستحيل مع ربنا يعني بالدعاء والقرب منه كله هيتحل ان شاء الله.
fnoonh
شكرا جزيلا لمرورٍك ,
أنا حسيت إني متفزلك علشان بكتب بالفصحى و أتكلف في الكتابة ,
بس إن شاء الله بعد كده عهرف أميز بين المواضيع اللي تيجي بالفصحى و الأخرى اللي بتكون العاملة أنسب ليها ..
جزاكِ الله خيرا
سلمى محمد :
آآآآآآمين , ربنا يديم علينا نعمة العقل " السليم " ,
لأن بجد العقل لما بيحصل فيه حاجة بتبقى العملية صعبة جدا ,
ربنا يشفي الجميع ,
جزاكِ الله خيرا
أحم أحم
السلام عليكم ورحمه الله وبركاته
منور منور منور
والف مبروك يا هيمه رجوعك باسلامه
أيه يا عمونا الغيبه الطوووووووووويله دي
:)
علي فكرة ده مش نفاق
عارف أني بكلمك علي الميل
بس التدوين صدقني ليه طعم تاني
نيجي بقي للموضوع
بجد جميل جداً
ومش فزلكه فاضيه ولا حاجه
حاسس أنك بتتغير يا إبراهيم
وربنا يوفقك أن شاء الله
تحياتي :)
ايه الابداع دا بسم الله ماشاء الله
جميل اوي الموضوع وفكرته مميزة جدا جدا واسلوبك حلو اوي
ماشاء الله
ومش فزلكة ولا حاجه دا ابداع
استمتعت كثيرا وانا بقرا البوست
دمت في تألق
تحيتي.
حقودي :
حبييييييييب قلبي يا ... كنت هغلط و أقول اسمك من الفرحة :) :) :)
الله يكرمك بجد , ده نورك انت ,
هو فعلا المدونة غير الميل خالص ,
و بالنسبة للتغيير , فربنا يهدينا و نتغير لأحسن إن شاء الله ,
هو الواحد ناوي إن شاء الله
الشيماء صلاح :
غريبة قوي !!! هو أنا الوحيد اللي حاسس إن الموضوع رخم و لا إيه ؟؟؟
ربنا يرفع من روحكم المعنوية :)
و شكرا جزيلا على المرور و التعليق ,
جزاكم الله خيرا