كلكم بتحبوا بعض و " بعض " مش بيحبكوا
كلكم واخدينها جد و " جد " واخد عقلكوا
" بعض " نفسه في ناس بجد
بس مايكون " جد " واخد عقلها
أو واخدها كلها
ناس بتدي الجد وقت الجد
ووقت تاني تقول له خليك مستريح
بعض منا الجد يجري في دمهم
بس موش تمثيل بجد ,
بعض تاني الجد تمثيل عندهم
حتي بعض " الجد " يحتار منهم !!
....................
كلمات .. قرأتها و أعجبتني ,
بس لو حد يعرف يقول لي مين قائلها أبقى شاكر جدا ,
لأني مش عارف :(
.....
19 التعليقات:
موضوع جديد بجد
بس عايز مخ جامد
ويجى يقابلنى لو فهم حاجه
د.عرفة ,
هو أنا اللي عجبني فيه الحتة دي :)
إنه جديد ,
و استخدامه " الظرف " كـ"اسم" و غيره :)
بس ابقى قل لي انت فين علشان اللي يفهمه ييجي يقابك :)
آلهى لا يسيئك يارب
وينجيك من المهالك كلها
قادر ياكريم لو عرفت مين
اللى قال الكلام...
السيكوباتى المعقد
ده...ابقى قولنا
ربنا ينجيك من
المهالك كلها
يارب يارب
ياااارب
مين
ايه
انا قريتها تانى عشان افهم
بس حلوه
صديقى العزيز
بحثت جيدا عن مدينة إرم ذات العماد بعد عرض موضوع دمشق وتعليقك . فوجدت التالى :
إختلف المؤرخون والأثريون على تحديد مكان المدينة فمنهم من قال أن مينة إيبلا قامن على أنقاضها ومنهم من قال أنها مكان مدينة حضر موت باليمن
هذا للعلم والأمانة
تحياتى
؟؟ كلام معرفش أقول فيه ايه
هما اختياران أنى لا أفهم أو أنى لا أفهم
شكرا على نقلك وربنا يعينك وتلاقى صاحبه :)
اكيد دى كانت خناقة بين بعض وجد
الكلمات جميلة جداً جداً جداً ولا تؤاخذنى على مرحى لأنى مرح شوية :D والمدونة جميلة تسلم ايديك
كلام جميل بس انا مش عارفه هو اللي انا فهماه منه صح ولا انا مش فهماه خالص؟!
بس سواء كان كده ولا كده فهو اسلوب جديد وجميل,
ربنا يبارك فيك.
دكتورة نور:
ربنا ينجينا و إياكِ ,
و طبعا أكيد لو عرفت مين اللي كاتبة لازم أقول لكم ..
على الأقل تنتقموا منه :)
دينا
أنا برضه قرأتها أكثر من مرة في الأول علشان أعرف هوإيه اللي بيحصل ,
بس وصلت في الآخر :)
اللؤلؤة :
شكرا أخي الكريم على توصيل المعلومة ,
أنا كنت أعلم أنها لعاد في اليمن , لكن التاريخ يختلف :)
جزاك الله خيرا أخي
خديجة عبد الله :
لا إن شاء الله هتفهميه :)
بس مش من أول مرة يعني :)
و إن شاء الله نلاقي اللي كاتبه ده ..
تحيتي
إسلام ديو :
لا و لا يهمك , أنا مرح أنا كمان يعني :)
هي شكلها خناقة بينهم فعلا ,
بس على إيه ؟؟ :)
سلمى محمد ,
هو اللي عجبني في الأسلوب برضه الحته دي ,
إن الواحد مش هيفهمه من أول مرة ,
لأنه عامل الاسم و الظرف و حاجات كتيرة كده :)
بس مش أنا اللي كاتبه على فكرة ,,
و ربنا يبارك فيها برضه :)
مبرووووووووووووك التصميم الجديد
جميل :) ماشاء الله
شكرا حضرتك حطيت مدونتى فى البلاك ليست
عذرا كنت سأكتب البلوج ليست :)
خطأ كيبوردى شنيع :(
خديجة عبد الله :
الله يبارك فيكي ,
لسه حاطة طازة .. لسه سخن ,
تقريبا حضرتك أول واحدة تشوفيه :)
و بالنسبة للبلوج ليست ... هههههههههه
تصوري أول مرة آخد بالي إنها " بلاك " ... كده فعلا بقى بلاك ليست :)
وانا كمان اخدت بالى يافندم
وبنقول مبروك على الشكل الجديد
وصباح الفل نهارك ابيض ياتيمى
دكتورة نور :
الله يبارك فيكي ,
و صباح الخير و نهارك أبيض يا دكتورة ,
بس مين تيمي ده :) :) :) ؟؟؟