الــبــحــر ...
البارحة طقت في دماغي إني أطلع على البحر بعد الفجر و أصور الشروق ..
و فعلا , صليت الفجر و طلعت على البحر و الدنيا لسه ضلمة , و مافيش ناس قد كده ,
و رحت معدي الكورنيش و دخلت على الرملة ...
منظر مَهيب بجد !!
البحر ممتد حتى خط الأفق , و الدنيا ضلمة , و الضباب يملأ ما بين البحر و السماء ,
حاجة كده تثير الرهبة في النفس ,
المهم فضلت أتمشى على الشاطيء لأكثر من ساعة منتظرا شروق الشمس ,
و قعدت أصور البحر و الدنيا ضلمة - لكن الصور طلعت وحشة و مش باينة - , و إن الشمس تطلع .. مافيش ,
و علشان أنا محظوظ .. الشمس فضلت البارح كله , و النهاردة كمان و بعد ما روحت مش راضية تطلع ..
بركاتي ... :)
....
15 التعليقات:
السلام عليكم ورحمة الله تعالى وبركاته
وصباح الفل والورد من القاهرة
على الناس اللى طالعين على
البحر فى أول يوم من شهر
الزعابيب (شهر امشير)
وبركاتك حلت علينا
والله بالتعرف
الى انسان
صادق
مثلك
يابشمهندس
ابراهيم سلام
عايزة اقولك انى وسبق قضيت
اسبوع بالاسكندرية فى شهر ديسمبر
ومش ممكن انسى الاسبوع ده ولا حلاوة
الطلوع الصبح بدرى لمجرد الجلوس على الرمل
ومشاهدة بزوغ الفجر وطلوع الشمس من مشرقها
لكن للاسف ايامها لا كان فيه كاميرا تليفون محمول
لاصور المناظر الجميلة دى لكنها اتصورت فى (الانفخ)
ومش بتطلع منها والحمد لله.
السلام عليكم
حمدا لله على السلامة
سبقتني ياباشمهندس وسرقت الموضوع مني,انا كمان كنت في اسكندرية الخميس والجمعه اللي فاتوا وكنت ناوية اكتب عن اسكندرية والبحر وحبي وعشقي ليهم,بس مش لاقية وقت,
بس مش علشان انت كتبت مش هاكتب,لا هاكتب برضه ان شاء الله لما تيجي الفرصه
دكتورة نور ..
و عليكم السلام و رحمة الله و بركاته ..
و الحمد لله إنك فكرتيني إنه أمشير ..
الواحد كان هيزعل قوي لو عرف إنه نحس للدرجة دي :) ..
و على فكرة يا دكتورة .. الشتاء في الاسكندرية أحسن من الصيف بمراااااااااحل زي ما قلتي حضرتك ,
حضرتك عارفة , مرة برضه كنت في الشتا و الدجنيا شتت و رحت واخد بعضي و طلعت على الكرونيش .. كان منظر رائع قطرات المطر على الماء .. بس للأسف كان قبل ما أجيب الموبايل :(
بس المنظر طبع في النفاوخ برضه :) ..
بالمناسبة , أنا اسمي إبراهيم بس , سلام دي للتمويه :) :) :)
سلمى محمد ,
و عليكم السلام و رحمة الله وبركاته ..
الله يسلمك و حمد اللبه بالسلامة انتي كمان ..
على فكرة دي تاني مرة أسرق مواضيعك - موضوع غزة الأولاني :) -
بس إن شاء الله في انتظار ما ستكتبي أنتِ عن البحر و كده ,
لأني أكيد أسلوبك الأدبي و البياني هيكون أفضل من العامية التي اكتب بها ..
تحيتي :)
السلام عليكم
مش مهم مين يكتب الاول,المهم اننا بنعبر عن اللي جوانا,
وبعدين انا بعد ما كنت باكتب بالفصحى بقيت باكتب بالعامية في اغلب الاحيان علشان لقيتها بتجذب الناس اكتر,حتى صاحبتي قالتلي متخليش كل مواضيعك فصحى الناس بتحب البساطة,فبكتب حسب الموضوع,
لكن ده معناه ان عاميتك تغلب فصحتي يا باشمهندس ابراهيم ومش سلام(:
فكرة ذكية بس غريبة,كنت تبقى ابراهيم وخلاص هو مفيش غيرك ابراهيم(:
بوست جميل جداً يا هندزة ( علي جنب يا أسطي ) :)
و أعتقد ان البحر بيشد كل الحالمين
وبصراحه كده انا كمان بظبطني و أنا متلبس علي الشط
بس علي البحر الأحمر المتسلط
هههههههههه
واللي أنا بحبه جداً عن البحر الابيض
لانه ساكن
أو تقريباً ميت من غير موج ولا ناوة في الشتا
تحياتي
أنا بس كان ليا تعليق حاقد شوية
هو أزاي يعني
البارحه وبعد كده طقت
أعتقد أنهم مش راكبين علي بعض يعني
أنت كان ممكن تقول
أمبارح علي أساس أن السياق بتاع النص عامي
ولا أيه
تحياتي يا زعيم المهندزين والحالمين أيضاً
مارضتش تطلع
امال راحت فين
يمكن عشان رحت تزور البحر بدون ماتستاذن
يمكن هههه
دمتم
هتلقيك كنت رايح بدرى شويه يا باشمهندس...يا بختك يا عم انت لما تحب تتمشى بتتمشى على البحر انا بقا بتمشى على الترعه...
تحياتى
سلمى محمد ,
و عليكم السلام و رحمة الله ,
فعلا المهم الواحد يكتب اللي جواه و خلاص ,
و بالنسبة للفصحى و العامية فهي بتختلف من شخص لآخر ,
ممكن واحد يشوف الفصحى صعبة , و آخر يرى العامية مبتذلة ,
و التنويع بينهم متهيأ لي هيبقى حلو , و زي ما قلتي حسب طبيعة الموضوع ,
و بالنسبة لعاميتي و فصحتك فالعامية لا تغلب الفصحى أبدا على فكرة , و أنا بفضل الفصحى جدا جدا بس مش بكتب بالعامية إلا للضرورة - حال المخَاطَب - أو للسرعة ,
و على فكرة برضة سلام ده اسمي و مش اسمي , يعني هو الاسم الحقيقي لإسم العائلة , لكن طبعا مش مكتوب في البطاقة و لا غيره :) ,و ما حبيتش أسيبه إبراهيم بس علشان لو حد شاكك فيا يشوف سلّام دي و يستريح و يزول عنه الشك و خلاص :)
مش حقودي :)
يا مرحب بيك يا مراحب :)
و شكلنا أهه في الهوى سوا :) مع اختلاف " لون " البحر :) ,
أنا معاك إن البحر الأحمر أحسن من الأبيض - على حسب ما بشوف في التلفزيون - لكن العين بصيرة و الإيد قصيرة :)
و بالنسبة لتعليق جنابك الحقودي عن " البارحة " و بعدين " طقت " أقول لك يا عمنا ,
أصل احنا " حَدانا في الكَفر" بنقول "إلبارح" مش " إمبارح " و أنا شايف إن احنا أصح لأنها بالفصحى " البارحة " و ليست " أمبارحة " :) علشان كده حبيت أطلع من الخلاف اللي بالعامية بين " الكَفر حدانا " و بين " البَندر " :) و اكتبها بالفصحى و خلاص :)
تحيتي لك سيبويهاً :)
و إن شاء الله هعرف اسمك يعني هعرفه , بس انت بس تحط كام بوست و أنا "هدحلبك " في الكلام :)
أحمد سعيد بسيوني :
يا هلا فيك يا دوك :)
لا هي ما راحتش في حتة و لا حاجة :)
هي طلعت بس مكسوفة مني :) .. فاستخبت ورا السحاب بقى :)
تحيتي لك أحمداً :)
كلام فاضي ,
لا لا , أنا مشيت حوالي 7:15 ,
يعني الشمس لو كانت ناوية تطلع كانت طلعت :) ,
و بعدين مش " يابختي " قوي يعني ... أنا مش عايش هناك , أنا بروح مرة كل شهر و لا حاجة ,
بس الحمد لله عندنا فرع دمياط بيمر عندنا في البلد ..
و أهو فرع و لا ترعة مش مشكلة ..
أهي مية و السلام :)
طيب يا عم انت وهو
انا ولا بشوف بحر ولا حتى بشوف ترعه
المواضيع ناشفه عندنا اوى
بس بجد كفايه الوقوف قدام البحر حتى لو الشمس مطلعتش
وكويس انك مرمتش نفسك فى البحر يا هندسه
ولا خلاص رجعت فى كلامك
د.عرفة ,,
انتوا مش مشكلة تشوفوا بحر و لا ترعة ,
لأنكم أكين زهقانين من شارع " البحر " اللي بتروحوه كل يوم لمدة 6 سنين في كلية " النَفَس الطويل " بتاعتكم دي :)
و بالنسبة لأن أرمي نفسي .. فالمنظر مخيف على فكرة يا دوك , و أنا بيني و بينك جبان تلات حبات :) ..
و الموضووع ماكانش في نيتي ساعتها :) أصلي كنت " هوت سقعان " :) ..
نورتني بجد يا دكتور عرفة ...