مش عارف ليه شعور غريب بيجيلي لما ببص في المراية ساعات ,
بحس نفسي ببص لنفسي قوي ,
ساعات بحس إني بتعرف على شكلي ,
مش كلام فلسفة و الله لكن حقيقة ,
الواحد بيلاقي نفسه " بيبحلق " في نفسه ,
أبص لعيني و لشعري و حواجبي
أبص للهالات السوداء اللي تحت عيني من قلة النوم ,
بحس ساعات إني عاوز أشتم نفسي و عاوز ما أبصش ,
و أدور وشي بسرعة ,
و ساعات - قليلة - ألاقيني عاوز أبتسم لنفسي
صحيح من غير ابتسام ,
بص لنفسك في المراية من غير ما تبتسم الابتسام المعهود ,
و هتلاقيك بتبص لواحد تاني !!!
.....................
مجرد كلمات ... متفزلكة شوية برضه !!!
8 التعليقات:
على فكره بيكون شعور عجيب بجد
عن نفسى مش بحب مثلا اكون قاعد وفى مرايا قدامى
ولا مثلا صورتى قدامى على طول
ولو حتى على الإيميل
ولو شوفت نفسى فى المرايا لازم اكشر وارفع حواجبى
ههههههههههههههههههههه
بس ايه المواضيع العجيبه دى
انت عجيب يا هندسه
السلام عليكم ورحمة الله تعالى وبركاته
لست متأكدة هل هو حديث صحيح ام لا ولكنى
اذكر ان رسول الله حذرنا من النظر طويلا
الى انفسنا فى المراية بما معناه ان هناك
على الجهة الاخرى منها شيطان(والعياذ بالله
منه).ولنا فى(قصة الفتى الجميل نرجس
وصورته المنعكسة على صفحة المياة فى
الجدول حتى فتن بها حين راها لاول مرة
ومات غريقا نتيجة فتنته هذه )
احسن مذكر لنا الا ننظر طويلا
فى المرآة
د عرفة :
الحمد لله إنك مجرب الشعور ده ,
فعلا أنا برضه مش بحب أقعد و قدامي مراية خالص ,
طلعت قريب مننا أهو يا دوك :)
بالمناسبة ,
أنا مش عجيب بقدر ما أنا " عُقَد " :)
دكتورة نور :
و عليكم السلام و رحمة الله و بركاته ,
أنا بصراحة ما سمعتش الحديث اللي حضرتك قلتي عليه , احتمال يبقى ضعيف زي ما حضرتك قلتي ,
بس أنا من و أنا صغير أسمع إن النظر في المراية وحش و مش كويس .. و مش عارف ليه ,
بس تقريبا دلوقتي عرفت .. لأن ممكن الواحد يتجنن بجد :)
السلام عليكم
انا كمان مش بحب المراية,وبحاول يكون ترتيب الاثاث في غرفتي بحيث متبقاش المراية قدام مكان الجلوس او السرير,لاني طول مانا قدام المراية بعمل زي د/عرفه بكشر وارفع حواجبي ومكمن اطور وطلع لساني لنفسي وبجد بحس اني مجنونه,فبقتصر البص في المراية على قد التسريح وتظبيط اللبس بس.
سلمى محمد :
و عليكم السلام و رحمة الله و بركاته ,
طلعتي زينا برضه :) ,
الواحد خايف بجد أحسن تكون المراية فيها عفاريت و لا حاجة !! :) :)
هو أنا مش بطول في المراية
بش شيء جميل إنك تبص جوه نفسك من حين لآخر
حسام غانم ,
فعلا شيء جميل و غريب إن الواحد يبص جوة نفسه ,
شكرا جزيلا لمرورك