أنا لست شيطاناً و لا ملكاً أنا , *** لكنني بشرٌ به الاثنانِ
في داخلي شرٌ يضيقُ بأضلعي *** يجري بدمِّيَ أيما جريانِ
و الخير في نفسي أصيلٌ مثلهُ *** متغلغلٌ في القلبِ و الوجدانِ
لكنَّ أمريَ بين ذاك مذبذبٌ *** بين الملاكِ و نزعةِ الشيطانِ
بين الذنوبِ و فعلِ كل قبيحةٍ *** ثم المتاب و طِلبةُ الغفرانِ
ما بينِ سيريَ في طريقِ جهنمٍ *** أو سير نفسيَ في طريقِ جِنانِ
سأظلُ أخطيءُ أو أصيبُ , كلاهما .. *** صفتان لازمتانِ للإنسانِ
خيرٌ و شرٌ في النفوس جميعها *** حتى القيامةِ سوف يعتلجانِ
............
بقلمي
27-1-2009
5:30pm
............
15 التعليقات:
السلام عليكم
طبعا الانسان لا شيطان ولا ملاك,وبيتذبذب بين الخطأ والصواب,بس لازم الصواب يكون اكتر والا ربنا يعافينا هيدخل النار,وزي ما بتقول لو اخطأنا لازم نستغفر علشان نمحي حطيئتنا.
السلام عليكم
أزيك يا استاذ أبراهيم
أولا أنا بشكرك مرتين
اولهم طبعا عشان القصيدة الجميلة جدا اللي بجد امتعتني
وبتقول أنك مالكش في الأدب والشعر :) اللهم لا حسد ولا حقد يعني
ثانيا شكرا لمرورك الكريم علي مدونتي المتواضعه جدا
علي فكرة
أنا مش أسمي أحمد :) :D
تقبل تحياتي
سلمى محمد
و عليكم السلام و رحمة الله ,
فعلا الواحد جواه الاتنين ,
لكنه لازم يجعل كفة الخير هي الراجحة ,
علشان ينجو في النهاية ,
ربنا يهدينا و يوفقنا لما يحب و يرضى ..
حقودي ,
او اللي ما طلعش أحمد :)
معلش أنا التبس علي الأمر :)
و أنا أحب أقول لك عفوا مرتين مرة عل الشكر الأولاني , و مرة على التاني :)
و سعدت جدا بالتعرف عليك يا اللي مش أحمد :)
ياترى يا إيه ؟؟ :)
الاستاذ ابراهيم الذى هو الانسان مجردا لا شيطان ولا ملاكا
تحياتى
بتسأل عن المخيمات الفلسطينيه .. يعنى قصدك هما اخدوا عدوه انفلونزا الانعزاليه زى اليهود .. والله يا اخى مش عارف .. لكن اللى حصل للفلسطينين على مر التاريخ يجعلهم يتوجسون خيفه من كل الناس وكمان هما مش مرغوب فيهم ولا فى مخيماتهم فى اى دوله وكمان الدول اللى لهم فيها مخيمات مش عايزينهم عندهم .. يعنى هما حيلاقوها منين ولا منين وعشان كدا يمكن زى ما انت بتقول اصبحوا انعزاليين
.. مش عارف . تحياتى
الاخ العزيز . iBRAHiM
السلام عليكم ورحمة الله وبركاته
سأظلُ أخطيءُ أو أصيبُ , كلاهما .. *** صفتان لازمتانِ للإنسانِ
صدقت يا باشمهندس ونسال الله السلامة
إنما غالبا بيكون " ما باليد حيلة " !!
لا اوافق على رايك يا صديقى ، ولا يعدم الحيلة الا ميت
لك تحياتى والسلام عليكم ، ولا سلام مع اليهود
الأستاذ فشكول ,
شكرا جزيلا لزيارة حضرتك
و بالنسبة للفلطينيين و اليهود ,
فأظن إن الانعزالية أو الاستقلالية مش في الـ
DNA
لكن احتمال علشان أي أقلية مضطهدة بتعمل كده !!
ده برضه مجرد رأي ,
و الله أعلم
بيرم المصري ,
و عليكم السلام و رحمة الله و بركاته يا أستاذ محمد ,
فعلا يا أستاذ محمد , لا يعدم الحيلة إلا ميت ,
لكن قد يكون الحي ميتا و هو لا يدري ..
ربنا يوفقنا لما يحب و يرضى ,
و شكرا جزيلا على مرور حضرتك ,
تحيتي
أنت تسأل و الكمبيوتر يجيب ,
شكرا جزيلا على المرور ,
و جاري تصفح الموقع المشار إليه ,
شكرا جزيلا
صدقت....خير والشر...بس المهم مين اللى يكسب
كلام فاضي ,
فعلا زي ما انت قلت , المهم مين اللي يكسب ؟؟
المفروض إن الواحد يخلي الخير هو اللي يكسب ,
و لازم يبقى فيه مجاهدة , و إلا فأين هو الاختبار ؟؟
شفت أنا بتكلم حلو إزاي ؟؟
بس مش بنفذ حاجة من الكلام ده :( ,,
يا حقودي يا فندم
هذه تكفي
حقودي ,
و لو إني مش عاو أقولها ,
بس نمشيها حقودي لحد ما نعرفلك اسم :)
الحمد لله الذي جعلنا نخطئ ويغفر لنا
ربنا يعنيا ويعينك يا ابراهيم على ما ابتلانا
آمين يارب :)
تيفا ..
شكرا جزيلا على مرورك ..
و ربنا يهدينا ..
و يرزقنا التوبة بعد الذنب ..
آمين يا رب ..