بسم الله الرحمن الرحيم ..
طبعا هو عنوان غريب لأنه المفروض عنوان واحد ..
لكن لأني دمجت كلا المدونتين : مدونتي الخاصة مع مدونة أدبياتي ..
لأكون في مكان واحد ..
بخيري و شري ..
-----------------
بسم الله الرحمن الرحيم ..
مش عارف ليه النهاردة طقت في دماغي إني أعمل مدونة عني أنا ..
عني أنا شخصيا ..
عن ذاتي أنا
عن اللي أنا عليه
من الآخر عني ..
لا أرتدي فيها ثوب الناصح و لا عباءة الـ... عباءة أي حد بقى :)
لا و كنت هتهبل و ناوي أحط اسمي الحقيقي و صورتي الحقيقية !!
هي فكرة برضه !!
أنا فكرت هو أنا ليه في كل المنتديات و المدونات مش بحط حتى اسمي الأول ؟؟
اكتشفت بعد طول بحث .. إني جباااااااااااااااان
مش من حاجة , لكن من نفسي ..
مش عارف ليه مش عاوز أكون نفسي ..
أو مش مش عاوز , خليها خايف , أو بتجنب أو ...
المهم ,
إن شاء الله قررت في المدونة دي إني أكون أنا على طبيعتي ..
بخيري و شري
بملائكتي و شيطايني ..
أكون أنا أنا ..
بس لازم ألاقي نفسي الأول علشان أكون هي
علشان كده سميت المدونة ..
أبحث عن ذاتي
و يارب ما أكتبش فيها حاجات سيئة تكون عليّ لا لي ..
ربنا يهدينا ..
أخوكم :
...
برضه مش عارف أكتب اسمي ..
بس هكتبه هكتبه إن شاء الله
أمال أنا عامل المدونة دي ليه ؟؟
هلاقيني إن شاء الله
---------------------------------
بسم الله الرحمن الرحيم ..
لأن هذا هو أول موضوع في هذه المدونة فأحببت أن أجعله تعريفا بسيطا ..
ببساطة ستكون هذه المدونة مكانا لتفريغ " بعض " نصوصي الأدبية التي أكتبها ..
سواء كانت شعرا أو نثرا , أو قصة قصيرة
ستحوي على ما أكتبه فقط إن شاء الله و لن أنقل فيها شيئا ..
أرجو من الله أن يكون كل ما أكتبه لي لا عليّ ..
و أرجو أن يعجبكم ما أكتب ..
تحيتي
ــــــ
تحديث :
تم دمج
4 التعليقات:
السلام عليكم
شرف ليه اني اكون اول معلقه على الموضوع وعلى المدونة كلها.
ان شاء الله فاتحة خير عليك وتكون المدونة دي افضل من اللي قبلها
سلمى محمد ...
و عليكم السلام و رحمة الله و بركاته
ده الشرف ليا أنا ..
و إن شاء الله تكون أفضل من سابقتها .. عسى !
بسم الله الرحمن الرحيم
نجيبها من الأول :))
بحييك يا إبراهيم على الخطوة الجميلة دي.
جميل قوي إنك تفرغ اللي جواك .. إسألني أنا :)).
وطبعا إنت أدرى بأحوالك وأقدر إنك تحللها .
بس أنا مش عايز أشوف كلمة جبان دي بعد إذنك لأني أعتقد ملهاش لازمة.
عموما أنا متأكد إنك أقوى من كده بكتير.
ربنا يهديك ويوفقك ياااارب :)
مصطفى ..
طبعا انت أكيد عارف فايدة الفضفضة ,
بس هو الموضوع عاوز شوية شجاعة ..
لأني أصلا مش عارف إيه اللي مخليني أخاف أكتب عن نفسي أو عن شخصيتي ؟؟
بس ربنا يفك عقدتي عن قريب إن شاء الله ..
دعواتك :)
و إن شاء الله نشيل جبان دي , بس لما نعرف ليه !!
تحيتي لك , و للتعليقات اللي مليت بيها المدونة دي :) ..
أحبك في الله بجد ..