السلام عليكم ..
أحيانا أتخيل حال من يقرأ لبعض الكتَّاب في بعض الأماكن على النت ..
و يعلق بإعجابٍ على ما يكتبون..
أتخيل صورتهم في رأسه كبشرٍ ناجحين و مثقفين و فاعلين و إيجابيين و .... ميت فل و عشرة !!
أنا و غيري ممن يكتببون
لكني أظن أن الحقيقة غير ذلك ..
لذا كتبت :
وجهٌ مصنوعٌ من كذبٍ *** من حُلوِ حديثٍ و نفاقْ
يلبسه السافلُ كي يرقى , *** و الفاشلُ .. يُخفي الإخفاق
يُظهرُ من جَبُنَ كمغوارٍ*** و الأبلهُ كعَقِيلٍ راق
و الآخرُ ذئبٌ أفاكٌ *** يظهرُ كأديبٍ مشتاق
و الجاهلُ يلهثُ يطلبهُ *** يبغي أن يُخفي الإخفاق
و التابعُ أيضاً يلبسهُ *** كي يَنعِقَ كزعيمِ رفاق
و العاجزُ قد يتعنّاهُ *** كي يظهرَ كقويٍ باق
و الفاجرُ و الفاسدًُ أيضاً *** و القاطعُ رحماً و العاق
كلٌ يتصنّعُ يتعنّى *** كي يُخفي تلك الأخلاق
كلٌ يتمنى ذا الوجهَ *** كلٌ كذابٌ أفّاق
وجه الإنترنتِ الواهي *** كي يُخفيَ سوءاً و نفاق
و يعيش بجوٍ مفترضٍ *** في عالمِ إفكٍ و شقاق
.
.
.
.
تلكم هي الحقيقة ... الغير عارية !!
أو على الأقل من وجهة نظري " التجريبية "
و إن جانبت الصواب فقل : إذا ساء فعل المرء ساءت ظنونه
..
10 التعليقات:
السلام عليكم
كلامك اكيد في جزء من المصداقية,بس يفتقد لحسن الظن,
صحيح في ناس كتيييييييير اوي بتكدب على غيرها وعلى نفسها الاول سواء في النت او غيره وخصوصا النت لانه عارف انه بش بسهولة يتكشف كذبه,بس لازم المنافق ربنا هيفضحه في وقت من الاوقات وهتبان حقيقته,وبعدين الواحد من كتر احتكاكه بالاخرين بيقدر يعرف غالبا اذا كانت دي مجرد صورة وهمية ولا دي حقيقة الشخص,لان في عثرات بتبين الحقيقة.
انا بالنسبة لي افترض دايما حسن الظن باللي قدامي حتى يتم اثبات العكس.
أهلا و سهلا سلمى ..
أنا معاكي إن الواحد مفروض دائما يفترض حسن الظن ..
و أنا فعلا بقول إن مش كل الناس وحشين ,
لكن " معظم " الناس يتجملون , و لا أقول أنهم يكذبون ,
يعني بيحاولوا يكونوا حاجة مش قادرين يكونوها في الواقع ..
يعني فاشلين !!
نسيت أقول و عليكم السلام و رحمة الله
يا حبيبي يا إبراهيم
طب والله أنا كتبت التعليق اللي قبل دا من غير ما أشوف الكلام دا.
دا بقى اللي اسمه توارد خواطر :))
أنا عايز أضيف كلمة واحدة بس.
الكلمة خلصت :D
لأ شوف يا إبراهيم.
أنا بعد ما وصلت للحقيقة اللي أنت كتبت عنها دي بطريقة بجد جميلة جدا (شعرك رائع بجد) :)
أكتشتفت إن مش شرط يكون الهدف من السوء والقبح اللي بتشوفه على النت مقصود.
يعني صدقني المنافقين إلى على النت دول معظمهم مش بإيده ويمكن يكون مجبور على كده كمان.
المهم متتعبش نفسك لأن في الواقع كمان ممكن جدا تنخدع بالناس زي النت بالظبط,,,
يلا ربنا يهدي الجميع.
سلام.
حبيبي يا مصطفى .. :)
فاكر أول حاجة شدتني ليك و خلتني أتعرف عليك أصلا ؟؟
توقيعك في المنتدى ,
لأني حسيت بيه زيك تقريبا ,
فعلا المشكلة هي إن مش كل اللي بيكدب بيبقى قاصد الكذب فعلا ,
زي حالاتي مثلا :( , بيحب يكون الشخصية الخيالة اللي نفيه يكونها في الحقيقة و مش قادر ,
تقدر تقول إنه تفريغ للرغبات المكبوته لا شعوريا !!
حاجة كده في علم النفس يعني :)
ربنا يهدينا ..
لا يا يا إبراهيم ....
في فرق تاني معلش
إنت مش عايز تصتنع ,, أنت عايز تتغير بجد , وربنا يعينك على نفسك.
اللي قصدتهم عجبهم الوضع دا والخيال سرح بيهم ومش عايزين يتغيروا في الواقع ,, ودول ربنا يهيدهم .
وفي النوع الكذاب بقى ,, دا مش معانا ,, وربنا يهيدهم برضو.
تيفا ,
يا هلا فيك ,
مش عارف أقول لك إيه ,
بس هو فيه فرق بين الإرادة ثم الفعل ,
و الإرادة ثم التمني و العجز !!
و ربنا يوفقنا لما يحب و يرضى ..
السلام عليكم ورحمة الله تعالى وبركاته
تعليقى وأن جاء متأخرا الا أنى حكما ولابد
بعد ما قرأت الشعر الجميل ده اسألك:انت ياأبنى
ماينفاعش تشوف حد يتبناك شعرياً؟بحد وصدق !ليه ما
تحاول فى المسابقات الثقافية والشعرية بتاعة وزارة
الثقافة او غيرها اللى ممكن بها توصل شعرك لجمهور
اكبر واكبر واكبر وساعتها تتكبر علينا:)ولوانى
لا اعتقد هذا فمعدنك اصيل على ما يبدو
لى من شاشة الكومبيوتر وانا
احساسى مابيخيبش الا
بنسبة ضئيلة جدا
جدا جدا جدا
ايوة صحيح نسيت اقولك انى
وبعد أذنك وذكر المصدر المستقى
منه الشعر وضعت تدوينتك هذه
فى المدونة عندى
دكتورة نور ,
و عليكم السلام و رحمة الله و بركاته ,
نشر إيه بس يا خالتو ,
أن اآخر مرة فكرت فيها أعمل كده و رحت قصر " السآفة " مالقيتش غير شوية طبل و زمامير و حاجات كده و خلاص ,
و بعدين اللي اكتشفته مؤخرا إني اللي بكتبه ده اسمه " نظم " و ليس " شعرا " لأنه تقريبا خالي من التصوير و الصور البيانية و الحاجات دي ,
علشان كده ما ينفعش , أضيفي إلى ذلك إن الشعر اللي بينفع اليومين دول هو العامي و يكون عن الحب و الكلام الفاضي ده ..
فالواحد مخليه هواية و خلاص :) ..
و نشرك القصيدة في المدونة بتاعة حضرتك ده شرف لينا بجد ... و دعاية كمان :) ,
و طبعا تحت أمرك في أي وقت و أي موضوع يعجبك .. :)