مش عارف ليه الواحد قاعد على النت في ملل ..
رغم إني حاطط مواضيع ليا في منتديات كتيرة ,
و في المدونة ,,
و فيه تفاعل من الناس ,,
لكن كنت زهقان و ماليش نفس أرد على حد ,
مش عارف ليه ؟؟
أصل الواحد كان زمان - مش من زمان قوي يعني :) من حوالي سنة - أول ما بدأ الكتابة على النت في مواضع هادفة ..
كان مهتم جدا بإن الموضوع ناس كتير تقرأه , و تعلق عليه و يبقى فيه تفاعل و كده
لكن الواحد دلوقتي بقى يزهق , و يشوف إن التعليقات دي عبء لازم أعمله و أرد عليه
ده غير إن الواحد خلاص زهق من النت و سنينه ,
بقى لي زيادة عن 6 شهور ماليش شغله غيره !!
لحد ما حسيت إني مش بشر و إني مجرد شحنة في رامة أو داتا في كابل !!
حتى الحياة العامة ..
الواحد مالوش زمايل في نفس المدينة ..
و بيحاول يظبط معاد مع زمايله بتوع الكلية من أسبوعين و مش عارف ..
حتى عاوز أروح اسكندرية أقضي كام يوم قبل الجيش , و برضه مكسل و مش لاقي حد يروح معايا و ..
الواحد مش عارف إذا كان انطوائي و لا مَلُول و لا مكتئب و لا ايه بالظبط ؟؟
آه صحيح , احتمال كمان يكون راكبني عفريت :) ..
أصلي عملت " تحليل عفريت " :) في أحد المواقع النهاردة , و مستني النتيجة !!
الواحد جاوب على معظم الأسئلة بـ"نعم" !! شكلي هيطلع راكبني عفريت بجد :(
الواحد باظ على الآخر
بس الجيش جاي , و هيظبط كل حاجة بايظة ..
و هيطلع العفاريت كمان !!
بالقوة !!
...
بس
.
9 التعليقات:
السلام عليكم
ساعات بتيجي على الواحد فترات يكون فيها قرفان من نفسه ومن الناس ومش طايق حد ولا طايق يتكلم او يتفاعل مع الاخرين ويحس ان وحش ومش نافع وانه وحيد وانه لو مات محدش هيزعل عليه.
كلنا بنمر بيها ,لان الانسان ضعيف ممكن يكون في موقف بسيط من حد زعله او حاجة هو عملها وهو مش راضي عنها ,هنا يجي دور الشيطان ولعبه في دماغنا,فيكبر الموضوع اوي وينفخ فيه.
وانا عن نفسي كتير قلت اني مجنونه او راكبني عفريت او عندي انفصام في الشخصية.
اكيد في ظروف كانت سبب كل اللي انت فيه ده,وان شاء الله هتعدي,الازمات دي زي مانا قلت كلنا بنمر بيها,وبتتغلب عليها.
كل ما تيجي للواحد بيحاول انه يشغل وقته في حاجة مفيدة زي حفظ القران ودراسته او كتاب نافع او هواية مفيدة يخرج فيها طاقته زي الرياضه,وكمان بحب وقتها اني اقدم خدمه لحد او ادخل سرور على حد علشان احس اني مهمه للناس واعد افتكر في مواقف ولحظات كنت فيها سعيدة علشان اضاد الوضع اللي ببقى فيه والافكار السوده اللي في دماغي.
اما بالنسبة للكتابة والنت فمشرط تكتب علشان الناس تقرا وترد عليك خليها تفريغ طاقه مكبوته.
بس بشرط ان ميبقاش يومك كله ضايع في النت اعمل حاجه تحسسك بقيمة وقتك واهميته.
وبالنسبة للتعليقات مش لازم تعلق وترد الا لما تبقى حاسس انك فعلا عاوز ترد مش ترد مجاملة علشان يجوا يردوا ويزودوا التعليقات عندك.
معلش انا طولت اوي.
باحثٌ عن ذاته
ياصديقي كلنا هواه
اتقبل النقد البناء من نوعية ما تتبني و قد وفقني الله باحسان الاصدقاء و جودهم علي بالتعب و المعاناة في قراءة ما كتبت و الاخذ من اوقاتهم بمتابعة الفقير الي الله و اسداء يد العون و المشورة لي
و من توفيق الله و جدت من يحترف العروض و يبدو انك كهاو قد تحلقت الي مصاف الاحتراف و تطابقت بعض من ملحوظاتك مع من استشرت
اشكر لك توجيهك و سعت صدرك مع طمعي منكم بدوام التواصل
تحياتي
اسال الله العظيم فارج الهم وكاشف الغم,مجيب دعوة المضطرين ان يزيل همك وغمك ويشرح صدرك.
بسم الله
هتكلم بصراحه وياريت تستحملنى
بما انى دخلت يبقى هقول راى
وبما انى هقول راى يبقى هقول الصراحه
احم
اولا.انت لسه بادئ تكتب هنا باين
وده تانى موضوع ليك هنا وبتقول زهقت
يمكن ليك شغل على منتديات
لكن المدونه دى مكانك الخاص
your own special place
يعنى بتكتب فيه عشان نفسك
تخرج حاجه جواك او تكتشف حاجه
او حتى تعرف راى الناس
يعنى بتاعتك
مش معموله عشان مواضيع وناس ترد وخلاص
اعتقد ده السبب على الاقل بالنسبه ليا
يعنى راجع نفسك تانى انت عامل المدونه ليه
ثانيا.
زهقان وطهقان وكل حاجه
ماشى كلنا مرينا فعلا بالاحاسيس دى
بس حلها
تقعد مع نفسك لوحدك كده شويه وتتكلم بصراحه
عن ايه اللى مضايقك ومزعلك
وهتلاقيه فعلا وممكن تحله وتبقى كويس
او ممكن تلاقيه والوضع يتعقد
او ممكن تكدب على نفسك وتقول مش عارف
لكن تعرف
نسيت حد اقرب لك من نفس
حد لو ذكرته بس يرتاح قلبك
ربنا سبحانه وتعالى
الا بذكر الله تطمئن القلوب
ياريت مش تنسى الايه دى
وتاكد انك دايما ممكن تلجا لربنا سبحانه وتعالى
وتكلمه بكل اللى جواك
واتاكد انه قريب مجيب الدعوات
معلش طولت ويمكن كلامى جامد
لكن دخلت ارد لحالتك دى
وثانيا لان كل واحد فينا ساعات بيكتشف جواه حاجات مشكان يعرف انها جواه اصلا
ونصيحه اخيره
استخدم مدونتك لهدف اعلى منك بكتير
وان شاء الله هتلاقى نفسك
ومش تستنى الجيش يظبطلك حياتك
لانه لما يخلص هترجع تتوه تانى
شكرا
السلام عليكم ورحمة الله وبركاته
فرحت جدا يا بشمهندس انك بدات تخرج من الجو اللي انت فيه وتخرج من قوقعتك تاني لتتفاعل مع الاخرين في مدوناتهم وعودة قريبا ان شاء اللة لتنور مدونتك.
هو بس انت متضايق علشان موضوع الجيش
بس التدوين شئ والمنتديات شئ تانى
هنا تكتب اللى انت عاوز بدون ما حد يملى عليك إرادته
وكمان تسمح باللى يعجبك واللى ميعجبش تشيله
تدخل عند الناس اللى ترتاح لها واللى ميعجبوكش متدخلش عندهم
دى ميزة المدونه
اما لو عاوز رأى فى النت
شد فيشة الجهاز إسبوه وشوف إيه اللى هيحصل.؟؟
بالنسبه للنت ولا حاجه
بس بالنسبه لحياتك هتلحق حاجات كتيير كان النت بيضيعها
السلام عليكم
انا خايفة يابشمهندس تكون فهمت كلامي في التعليق الاخير غلط علشان كده جيت و علقت في مدونتي بعدها مباشرة,انا فعلا بافرح لما يكون حد زعلان او مكتئب ويخرج من الجو اللي هو فيه,وبعدين مدونتك مفتقداك اكتر من مدونات الاخرين.
اما بالنسبة للتعليقات عند الاخرين فزي ما قلتلك ترد على اللي بترتاح لهم,يعني لو انا مش منهم بلاش ومش هزعل(:
سلمى محمد . ..
دينا ..
أم البنات ..
شكرا جزيلا لكم و لكلماتكم .
و أعتذر عن عدم الرد على كل تعليق ..
جزاكم الله خيرا
السلام عليكم ورحمة الله وبركاته.
أيوه أنا برضو
مفيش غيري النهاردة باين:D
وعموما لو زهقت مني أنا كمان ممكن متردش.
أنا عايز أقولك كلمة ,,, لعل تكون السبب في اللي أنت فيه دا!!
ومتستغربش لأني أنا حاسس بيك بجد ..
تعرف ليه ؟؟!!
لأني زيك والله ,,,
مشكلتنا تقريبا واحدة.
وهي النت ....................
عموما الموضوع مش صعب بالمرة.
هي المشكلة النت بيقدملنا إلى إحنا مش لاقينه برة وعايشين فيه على إنه عالمنا اللي بنحقق فيه الإنجازات.
تعرف أنا والله كنت كده قبل ما أعرفك من أقل من سنة .
فاكر ؟
أنا أول ما عرفتك شخص كنت إنطوائي جدا وعايش في البيت لوحدي ومليش غير صاحب واحد (أنت عارفه) بس كنت بعيد عنه بسبب الكلية.
وكان النت دا هو المخرج الوحيد ليا.
من النت للتلفزيون للكلية يا قلب لا تحزن.
على فكرة بعد سنتين على الحال دا على سلبيات النت الكتير في حياتي بس أنا شايف إنه قدملي خبرة كويسة أفادتني في الحياة العملية كتييير جدا. (انا مكنتش بعرف أرد على التليفون :D دلوقت بقيت بربنط)
مش عايز أطول بس كل اللي عايز أقوله إن الزهق دا طبيعي جدا ,,, حتى في الحقيقة.
مش هقولك دور على نشاط تعمله عشان أنا عارف إنك هتعمل كده لوحدك.
والدليل المدونة دي ,,, ومش هتعدم الطرق اللي تخرج فيها نفسك لغاية ما تطلع منها خالص.
بكرة والله مع الشغل والجواز (ربنا يوعدك يارب :))) هتنسى كل حاجة وهتعيش الدنيا بجد.
يلا ربنا يهدي الجميع ومعلش على الإطالة.
سلام :)